mercoledì 3 agosto 2011

tempus amigu

















Tempus amigu

Totu como cominzat a mancare
chin  sos annos chi si che sun bolende,
chin sa vista cominz’ alluzinare
e calchi dente ‘e gesso  so ponzende.
Sa mata comizat a ingrassare
e pilos sempre pius incanende,
isco ch’ insegus no poto torrare
e mancu poto pius mezorare.

Su tempus chi nos paret tirannu
no nos  pedit pelmissu  in su caminu,
chimbantabattor passados a ocannu
ido  su traguardu pius vicinu.
Ma mai a isse  apo lead’ a dannu
ca m’ est istadu  sempre cumpanzinu,
de su passare su ‘onu mi restat
sas cosas malas in palas si ch'  etat. 


Nessun commento:

Posta un commento