lunedì 1 agosto 2011

AUSTU


Austu.

Arrivadu puntuale ses'austu
mese de sole e de vacanzias,
sos turistas longas distanzias
faghene pro las godire cun gustu.

Chie in mare cuddu o custu
chie a sa muntagna importanzias
li dada, godindesi sa bundanzias,
pitorescas mancari su trambustu;

s'intendet in so lidos isolanos
limbas istranzas cale babilonia
cun emigrados de logo lontanos,

poi tanta fadiga a domo insoro 
rientrana in sa festosa cerimonia
a fuire de nou pianghinde in coro.

PEPPE PINTORE


Totu acudin impare a custu grupu
Pro lis passare su sidis de Sardigna
De custa terra chi est su menzus putu
Chi nos isfriscat su coro a carapigna
Mai perunu intr’ e inie ch’ est rutu
Ca sa cuscescia e sa vida nos signa
Leade in libeltade custu gustu
E passadebos unu bon’ Austu.

LUSSORIO CAMBIGANU


Sinzeramente prefferzo s'izzerru.... ;)

Eppuru no semmus mai cuntentos
de su tempus chi Deus at mannadu...
Si disizzat su sole canno proet
ma si su entu nue no ne moet,
pregammos chi torret chel'annuadu
a nos cazzare sidur' e turmentos...

... Gai si che passant sas istajiones
po tribagliantes e po mandrones...

Paola black

Su tribagliante e no pro su mandrone
Est de impoltu su tempus  benzende
Ca pro su primu  tribali bi l’impone
Ma su segundu  lu idet passende
Pestantu  chi  nde oghet su tupone
S’ampulla  atere si sun bufende
Onzi  istajone  l’amus a disizu
Ma su mandrone  lu gighene a dizu

Lussorio Cambiganu

Intant'ambos duos si ne lamentant
ca donzi tempus li paret tirannu,
a su mandrone paret dannu mannu
chi cun s'abba sa tazza li pienant,
eppuru si cheret in bin' infustu...
A su tribagliant'invez' in austu 
li falat suore pius bunnante
si tiat cherrer in mare bagnante
ma li cumbenit a s'alanzar' 'ustu...

...Ne s'un' e ne s'atteru godint vida:
fortuna, narant, est zeg'o drommida...

PAOLA BLACK

Fortuna est de chie in coro  pasadu
No isperiat mai su piatu ‘e su ighinu
Austu, ijerru  o Deus chi l’at dadu
Buafat siat abba che su ‘inu
Mai a tempus malu frastimadu
E leat  lamentosu pro mischinu
In donzi casu no b’at paragone
Tra bonu tribagliante o imbreagone

Lussorio Cambiganu

ussurz' eo no fatto paragone
anzis los ponz'in mattessi pianu,
ca mi abbizzo ch'ambos fittianu
sonan sa battarall' 'e mammuttone...
No fatto zertu part' a su mandrone,
ne tribagliant' appo cundennadu
solu c'appo innogh'iscumbattadu
ch'ambos portant arreschid'un'uccone...
.... Tottu po narrer chi su tempus bonu
a bortas podet fagher malu sonu...

PAOLA BLACK

sos tempos sun malos  sos passados
in disaogu, lastima  e pispinzu
no b’intrat nudda  si frittu o suerados
si est madrigadu o laghinzu
ma de sos duos ch’ amus faeddados
unu no coglit linna a su foghinzu
etando si  unu non nde chirrias
s’ateru tribagliat  pro duas bias

Lussorio Cambiganu

Tue forzis galu no m'as cumpresu
o forzis no mi so cumpresa deo 
partes no ne dao e no ne leo
ma mi piaghet a bistar'in mesu...
Ca narant ch'in mesu b'istat su zustu
e podet esser po cummodidade, 
ma est debiles' 'e s'umanidade
sa lamentel' in frearz'o austu...
...E ti rinnovo grazias innoghe
c'as azzunt'a sa mia atter' oghe...

PAOLA BLACK


Sa oghe tua de bona cumpanzia
Mi dat sulenu  in d’onz’ istajone
Pienat sa nella de armonia
Et eo chilco  solu chestione
Cando  incrocias sa tua chin sa mia
Semus in tempos de bon’ unione
Etando ti ringrascio  Pauledda
Ma  no isco si ses beru niedda

Lussorio Cambiganu

3 commenti:

  1. Austu 2

    Como si ca mi l'azis fata bella
    a marrania gioghende in poesia,
    poninde in usu sa sarda favella
    e dando esempios de fantasia.
    Aite deo puru chi podia
    de bos pode sighire in sa carrella,
    ma cun bois mi sento mesu toppu
    custu e sinnu ca currides troppu.

    Sa sardigna est'una meta ambida
    ca pius bella no nd'at in sumundu,
    so saldos cun sntimentu profundu
    l'amana pius de s'insoro vida.
    Sa zente salda pare disunida
    ma l'ischi chie es girende su mundu
    issos si ca la tenen in su coro
    ca est'issa sienda e prella de oro.


    Paula chi cun su tempus la leas
    gia l'ischis es betzu e sempre nou,
    aboltas gia nos ponet a su prou
    e bat igue gioias e peleas,
    sa dies mirendelas totu intreas
    nisciunu si faghet a contu sou.
    es pro natura nisciunu si franghede
    cando si riet cando si pianghede.

    PEPPE PINTORE

    Tue Pintore sa pedra as bettadu
    Eppoi ses imbeltu impare a issa
    A mie sa difesa est toccadu
    In mancazia tua e perissa
    sos augurios de austu as dadu
    ma Pauledda che l’at posta in rissa
    nende chi tempos bonos et malos
    sunu prezios istoigos e galanos

    Lussorio Cambiganu


    Dae Casteddu una bella pisedda
    Nos narat ite bellu casinu
    No ses enzende meda da’ innedda
    Ca finas eo so tou ighinu
    Coment’ ischis legge e faedda
    Gabriella ca ses a cominzinu
    Si rues a manca o destra pone s’atta
    Ca numen tou est che in bidda ,Satta

    Lussorio Cambiganu

    RispondiElimina
  2. Austu 3

    Su tempus pro operaju o mandrone
    no mirat mai in cara nisciunu
    chie tribagliat sa bella istajone
    iseta po riposu ca istanco sunu
    no giamma sa zente a unu a unu
    ses meritosu e chi tene rejone
    tribagliante o mandrone in generale
    po issu semus totus oguale.

    onnunu si lu faghe po destinu
    siat su risu comente su piantu,
    osselva como in giru intantu
    cantos disocupaos in caminu.
    Issos puru cheren alligru cantu
    e sa tazza cheren piena de inu.
    ma cando su tempus anda male
    tado si bufan'abba naturale.

    Tzeltu distintos in sa fadigas
    paritzos de aberu in su comunu,
    peroe issos lo bides a briga
    proite troppu fadigado sunu.
    Ma no lassana nudda po nisciunu
    narami tue ma chie los obriga,
    a tirare issu solu sas corrias
    e tribagliare puru po duas bias.

    A cungruos Paula ennida sese
    a ponnere a un'ala sos pianos,
    una cosa puru cumprende dese
    ca innoghe semus totus umanos.
    S'importante e de istare sanos
    ca tando es beranu donni mese,
    no bada ne istiu ne ijerru
    chi nos pone sas penas de s'inferru.

    Lussoriu totu sa reione ti do
    sa vida nos da pena e afannu,
    ma chi bat unione cumbintu so
    in armonia passamos totu s'annu.
    Su peus es cando bat'ingannu
    tando subitu es chi rispundo no,
    ca m'agrada s'unione de famiglia
    e mai in vida s'ida sa puntiglia.

    BEPPE PINTORE

    Chimbe sun chimbe pius sas tres de prima
    Pares tucchende erettu a elicona
    Ottatadas , undighinas sempre in rima
    Pro te sun sempre faina bella e bona
    Argumentu as leadu dae chima
    Girendelu chin grabu chi s’atona
    Mi paret chi Austu at sas rejones
    Totu sun bonas de vida istajones

    Lussorio Cambiganu

    RispondiElimina
  3. Ti manno grazi' e unu saludu
    c'as postu in bella mustra sas rimas
    sunt nettas giaras e sena ludu
    chi a las lezzer s'ogru no t'arrimas
    ...ca parent che riu in chistionu,
    mudant su malumor'in gradu 'onu...

    Paola Black


    Sa poesia a bias lu permitit
    Ateras pro sa rima ch’ essit fora
    Ma cando s’entu ‘onu nos assistit
    Totu nolla cantamus in bonora
    Cando dae su coro versu essit
    Ponet tot’ in pasu a donz’ ora
    Tue femina fata in poesia
    Armas sa manu chin alta sinfonia

    Lussorio Cambiganu

    RispondiElimina