Raiga ‘e multa
Una raig’ e multa m’ana dadu
a bider ite mi faghet pessare:
“Calchi cosa dae conca” m’at nadu
“Seguramente nd’ as tue a bogare”.
Cussu artista già m’at provocadu
ateras bias pro m’ ider poetare,
eo chi no mi tiro zeltu in segus
do sa risposta a totu e a tegus.
Comente apo nadu ateras bias:
este su Criadore ch’ in natura
at fatu sas menzus artes bidas,
s’omine solu faghet agiuntura.
A boltas bene e male ateras ‘ias
a segundu si s’arte l’at in cura.
Tue in custu casu leas annotu
de su buldellu in total’ abolotu.
Cussu zipu ‘e linna intituladu
l’as a sa cundiscione generale,
de custu tempus macu e triuladu
chi no distinghet bene dae su male.
Unu mundu de conc’ ilmentigadu
chin no connoschet pius trigu e sale,
no at pius iscalas de valores
ma solu sas miserias e dolores
Questo commento è stato eliminato dall'autore.
RispondiEliminaAntonietta Bandinu
RispondiEliminaSas raichinas son caminamentos
chi dae sutta'e terra in archirvias
i ortzicana impare ei s'abbratzana
Sas raichinas son caminamentos
de miseros dolores e turmentos
chi suspin sutta 'e terra in archirvias
catzande sitis e famine a istentos
Si ortzicana impare ei s'abbratzan
cando cambas alluttas in fogu lis istratzana...
Lussorio Cambiganu
Sas raighinas fungutas lean s’abba
Dae pelcias arcanas virtuosas
solu oghend’ a raglia iss’ agabba
de dare linfa e afettu a donzi cosa
ma si baratas jesus chin Barabba
no gatas pasu mancu in sa losa
pro fagher fiorire bonos frutos
raighina deven ponner semen rutos
Antonietta Bandinu
Cale si siat su modu e sa manera
de ponner raichinas no s'aggabbat
e fauna cun flora a isperdimentu
nos dana cuccutzura e alimentu
ma una cosa nos rughet a palera
e tottu nos destruit e aggabat
una limba de occu in Gennargentu
cando enit s'istiu e tirat bentu !
Lussorio Cambiganu
Antonietta ti do sa bonanote
Sinono raighinas ponzo eo
Dae manzanu finas a istanote
Tribagliad’ apo e como sonniu leo
Etando fato che cadrea iscote
E mi ponzo in brazos de Morfeo
a fine custa duina ponzo
e totu raighinas eo aconzo.