panta-rei

pantarei

A lacan ‘e perugia e de assisi
app’ idu logu amenu e rigugliosu,
frimmu mi so, pro bisonz ‘e reposu

meravitza e incantu, tue bi fisi.

No isco si pro famine o gosu,
setzidu so e bennida m’est crisi,
a ojada chi ti do, tue annuisi
e donasa surrisu tzenerosu.

Accurtzias a sa mesa che a puma
unu passu letzeru tenes tue,
pares chi balles subra e una nue
de rosa ‘e maju su logu  profuma.

A sos pes tuos sa tzente tottu rue,
e a s’istante su coro si  m’alluma,
tottu pro t’ider bi currene a truma
a Pantarhei, che porcheddos a sue.