eroes

Eroes..

Dae unu zip’ e nughe  o ozastru

Manos de oro an plasmadu a tie

Bicul’ e linna frommadu dae mastru

Chi no nde naschet zeltu onzi die

Leadu t’an dae rocca de alabastru

Eccomo  tue incantas a mie

Duas friguras  chi m’ aberin su coro

Unu s’eroe, chin s’ateru ristoro.

Duas friguras  chi lis sigo su filu

Ca sun istadas  de cunferimentu

Una de cara s’ater’ e profilu

Nos an donadu  su menzus ammentu

Su primu  su peccadu at pulidu

Segundu   Patria tot’ a un’ at tentu

Sun  sos eroes  de sa ziviltade

Ambos in gloria et umanidade.