domenica 21 agosto 2011

Cantu diat esser pius bellu....


Cantu diat esser pius bellu

Cantu diat esser pius bellu
unu mundu estidu de amores,
‘ue poder  iscurrer su  favellu
chena  distinziones  de colores.
Chi no b’apat bisonzu de clavellu
pro dever  aberrer sos  portones,
inzenieris ch’ idean solu pontes
pro attraessare  siat rios che montes.

Cantu  diat esser  pro su nostru  bene
si sa natura   tratamus che mama,
de issa amus linfa, aria e zene
ma poi la trafigimus chin sa lama.
Meda nd’ abusan, pro cantu si lene
sempre  donosa  restat in sa  fama,
issa  si mudat, e sempre si rinnovat
fiorit in beranu e a nois accotat.


Cantu diat esser bellu…de ider
de ider sos cannones,
a muros de sugellu
isparende  cantones.
Pesados pro istellu
de ideas e rejones,
los bider in ruinas
in piore  ‘e chijinas.


De cantas artes  at bisonzu su mundu
pro poder sas cusciescias rinnovare,
 bider  totu sas razzas in tundu
chilchende sol’ in paghe de arrivare,
a  cussu  isteddu chi s’idet in fundu
‘ue totu devimus riparare.
No b’at cumpresu, nemmancu  rejone
de biver  male de vida s’istajone.

2 commenti:

  1. Quanto sarebbe bello …

    Quanto sarebbe bello..
    Un mondo vestito d’amore
    Dove poter far scorrere la parola
    Senza distinzione di colori.
    Che non ci sia bisogno di chiavi
    Per aprire le porte
    Ingegneri che creino solo ponti
    Per attraversare fiumi e monti

    Quanto sarebbe per il nostro bene …
    Se trattassimo la natura come una mamma
    Da lei prendiamo la linfa, l’aria ed il gene
    Ma dopo la trafiggiamo con le spade.
    Molti ne approfittano , ma pur abusandone
    Rimane intatta nella sua fama di generosità
    Lei si ricambia e sempre si rinnova
    Fiorisce in primavera e tutti ci accoglie.

    Di quante arti il mondo ha bisogno
    Per poter rinnovare le coscienze
    Vedere tutte le razze in girotondo
    Cercando di seguire il cammino della pace
    Che porta a quella stella che splende lontano
    Dove tutti dovremo ripararci.
    Non c’e alcun motivo ne ragione
    Di viver male, la stagione della vita

    RispondiElimina
  2. Quanto sarebbe bello vedere
    I cannoni che sparano
    contro i muri elevati
    per fermare le idee….

    RispondiElimina