Posturas d’armonia
Abbaidende fin cussas istellas
Antigas posturas d’armonia
Finas sa luna cussas cosas bellas
Cuada , s’ ojada b’ etaiat
Su sol’ imbeze insegus de sas nellas
Ispantu mannu cussu li pariat
Erveghes e sa puddita sarda
S’ ammajaian a cuss’ ora tarda
sa menzus cosa est sa naturalesa
in donzi zestu ch' enit a cumprimentu
comente su fiore porrit tzenes
a s' abe, su muscone o su 'entu
gai s' umanidade donat benes
si sighit de natura sa bellesa.
sa menzus cosa est sa naturalesa
in donzi zestu ch' enit a cumprimentu
comente su fiore porrit tzenes
a s' abe, su muscone o su 'entu
gai s' umanidade donat benes
si sighit de natura sa bellesa.
Paola Black
RispondiEliminaIssa paret pius una befiana
et issu est che unu mamuthone
sos atteros oggettos chi bi ponet
inzertàd' at s'artist' in sa piana;
bellos colores, notte soliana,
lastima sa coppia no b'attonet...
...datu peroe ch'est zegu s'amore
già si lu gosant ambos cun ardore...
Maria Pirisinu
Atteru chi poeta imparadora
mi pares pronta e affermada
in sa vena sa musa est formada
e de rimas nde ses amajadora
ti l affermo deo in cust ora
chi so solu misera appasionada
dae deus donu rezidu no appo
ettando ite fatto?sa'uca mi tappo...
Paola Black ---
Maria no ti fettas de meschina
cando giai ses prend' e s' Elicona
sa Mus'in contivizzu t'at e bona
t'at dadu sa terr' e sa raighina
e creschinde ses zovana femìna
in s'arte chi poete t'incoronat...
...sa 'ucca bella no ti tuppes mai
cando cantas armoniosa gai...
Paola Black ---
Umile ses che virzine vestale
e candidu che lizzu l'as su versu
menzus custu pro caminu diversu
c' avvalorat su bellu naturale
chi tenes in intragnas, e verale
essit a pizzu, ca no est dispersu...
...et est benale in puntu seguru
bundante d' abbas, cantaru maduru...
Lussorio Cambiganu
Feminas sezis gai
Difizile cumpresa
Chilcades sos carignos a sa fura
no chilchedas mai
Cussa fazile resa
Nessi in sa poesia ‘e bona cura
Nades de s’umilesa
Ma no azis s’intesa?
Chi poesia est nobile o ‘s iscura?
Nade de su sentidu
Isse no est ne santu ne mischinu
Maria Pirisinu
EliminaPaola,de metrica tenzo su diffettu
e de seguru tue custu l as bidu
unu poeta a chered istruidu ?
O naschet perfettu in s intellettu ?
Issos naschen gia poetas'e derettu
cun bravura e donos su cundidu
deo poeta cherjio nascher solu
ma gai no este.abbarro in dolu
Paola Black ---
Osserva, fizza 'ona, s' Ippocrene
chi naschet a sas primas furiosu
ma posca s'ammasetat e donosu
curret selen' a mar' arrivat bene,
cand' addattu su sit' a lu cuntener
l'agattat, tando l'occupat ermosu...
... e sa presse tramutat e furìa
in d'una cantone dulz' a ninnìa...
Maria Pirisinu
Lussorio,deo chilco solu insegnamentu
de sa poesia rimediu e cura
e de carignos no ando a fura
male l as nada in su momentu
mi piachet sa calma e no su 'entu
e de armonia chelzo sa postura
no appo pretesu fazile resa
mi paret paga sa mia pretesa
Maria Pirisinu
-
paola,boghadu m as unu turmentu
sa vida fato de modu e sorte
su semplice dannu no est tantu forte
si in recreu mi pones e in cuntentu
bi ponzo passione e sentimentu
fin as a esser de poesia a corte
m auguro de l aer bona sa vena
pro cantare sa vida ei sa pena
Lussorio Cambiganu ******
No b’at mastru chi potat dare a tie
Su ch’ intr’ e coro t’ est già naschidu
Ap’ idu bene su ch’ as rispostu a mie
Direta a ‘onzi versu as rispundidu
Sa passione est candida che nie
E a sos disizos podes dare sighidu
Iscrie su chi a conca ti ferit
Dae sas intragnas , e su coro t’ abberit.