s' ateru (Paola Black - Lussorio Cambiganu)

s' ateru

Paola Black

S'atter' est bellu 

si de atter' addurat,

ca in su possessu perdet bellesa;

cantu chi est zirellu

muntenet sa bellura,

cussa ch'in coro tou faghet presa;

ma cando l'as in manos

lu lassas che sos ranos

de rena, chi su 'entu si lu pesat...

...tando pìntal' ebbìa,

ch'est menzus in s'etterna fantasia...

Lussorio Cambiganu

S’eterna fantasia
Fuit che sa rena
Dae manos chi li leat sa tremulea
Comente poesia
La leas a piena
Sa ‘otza de ti sentir’ una dea
S’immagine pintada
De te est disizada
Forzis finas a cando no la leas
tue chi la faghes trista
est solu su sentidu de s’artista