tue: Oceanu... Paola Black.. Lussorio Cambiganu

---- TUE : OCEANU ----

M'as nad' un' 'orta chi ses oceànu

chi no connosch' e te manc'un'uttìu

ma com'inveru tue m'as imbistìu

che maremotu forte sovrumanu.

No l'isco su chi fia ne su chi so

nemmancu su chi app' e chi tenia

intendo solu s'unda regadia

e si una rima l'appo ti la do.

Si tue ses su mar' 'eo so rena,

pro cantos ranos mi podes furare

sa riva nd'est ancora totu prena

e faghet front'a cuss'irfuriare

finas a cando torrat s'unda lena

ca sol' 'eo ti pott' ammasetare... 

• • Paola Black
    

    
    --- Qui dentro c'è in pezzo di tutti voi, amici poeti carissimi... mi hanno ispirata: Filomena Canu con i suoi versi infiniti;Gianmario Dessini e Annamaria Careddu con le loro rime d'amore; Giommaria Cirolla Sias e Maria Manca con la loro vena impetuosa;Natale E Ornella Tamponi con l'ironia; Lacrime Di Stelle Una con la sua dolcezza; Lussorio Cambiganu perchè l'ultimo verso è tratto da una sua undighina; Giuseppe Pintore perchè il primo verso è tratto da una sua ottada... a tutti: GRAZIEEEE!!!! :)

    
    
    
  • 
    

    Lussorio Cambiganu
    
     Undas ch’ atapan a sa rocca ‘ia
    Faghen cussos ischizos ispruzzare
    Sa rena de su lidu ch’ est sedia
    Dae su sole, la podet aldare
    
    L’ ilfriscat cussa ‘oza agadia
    Bonos mamentos li faghet ammentare
    Cando fit de sa plaja su casteddu
    Como la trazat intr’ e un’ aneddu
    
    Tot’ una vida fata in ammasetu
    Como imbeze tue chers torrare
    Subra sos caddos de s’unda navigare
    In altu mare chena perun’ isetu
    
    Sa poesia ti faghet proare
    Su chi sa vida t’at fatu sonniare
    
    Ness’ un’ iscuta abbaida ‘eretu
    ‘ue b’at ispera , amore e afetu