muros..

Muros…

Muros … nd’ an pesadu pro serrare

“tancas  leadas a s’aferr’   aferra” ,  (plagiu)

ateros  fatos, pro poder  tancare

populos  intro  de infinida gherra.

Cando no b’at nudd’ it’ isperare

finit  s’amore e su coro s’isperrat,

nudda bi restat  de sos sentimentos

de su perdonu e de sos  pentimentos.

Niune tenet de su filu sa maglia

chi tesset de s’abitu  cussa fromma,

niune narat  chi “forzis s’isbagliat”

e pesat altu unu mur’ e gomma.

Eo imbeze chilco s’isperaglia

e de diritu nde fagher  su  comma,

chi mi permitat  de disegnare s’arcu

d’ abberrer in sos muros unu varcu.

Sos muros mannos  chi cuan sa vista

sun cussos  chi gighimus intr’ e coro,

abbascian  d’ojos ambas  pibiristas

in su cuntent’ e su  poder’ e s’oro.

“Proite  faghes  de sa vida trista?”

Est sol’ una,  e no zeltu batoro,

etando  abberimus s’isperaglia

cuntra  sos egos de vida canaglia.