biancu e nieddu.. ammentos
Cando t’idei a prim’ acerada
Parias una frisca columbedda
Como chi ‘olu as pesad’ innedda
Iseto chin ispera sa torrada
Una pintura bianc’ e niedda
in s’ ammentu alu m’ est restada
Faghed’ a bider como colorada
Mantessi lughe de cando fis pisedda
Fis una prenda de or’ istimada
Estias lizos lezeros de seda
pro ti cumprire no aio manera
custu sonetu in bona cantada
l’ap’ in su coro, chi sonat de’ meda
chilcat de te s’immagine vera-
Nessun commento:
Posta un commento