grodde.. Black..Cambiganu

• 
  
  

  • 
    
    
    su grodde
    
    Paola Black ‎---
    E custu mazzoneddu
    chin su nas' attaccadu
    paret chi s'imentrichet de pappare,
    no chircat anzoneddu
    mancar' infamicadu
    preferit custu fror' a lu nuscare;
    no tentat mancu s'ama
    pro com'atteru bramat
    chi lu lassant in pagh'a nde gosare...
    ...zittu, lassal'in pasu
    c'in bellu logu c'at postu su nasu...!
    
  • 
    
  • 
    
    

    Lussorio Cambiganu
    
    No est famin’ e anzone
    Chi tenet su grodde
    Est ateru su nuscu ch’est chirchende
    De femina puzone
    Cuad’ intre su fodde
    Su netaru paret disizende
    Como a prim’ eranu
    Paris de cristianu
    Si li sun sos urmones oltulende
    De sa rosa galana
    Chilcat profumu e de issa at gana
    
    
    
    

    Inie  grodde femina paschende

    
    

    B’at lassadu su nuscu de s’urmina

    Ebbai  su mazzone est fiaghende

    Si est alu cue sa femina

    Sa trata  de s’amore est sighende

    De fizos nd’ an a faghere dozina

    A pustis de bator meses e mesu

    Sos cateddos at a gigher a pesu