Pro Pasca
Tio cherrer pigare
in chima de su monte
pro ‘ider sas baddes fioridas.
Sas benas agatare
chi suberan su ponte
de abbas bundantes mai idas,
lebias , cristallinas
giumpan sas iscalinas
in pischinas minores regoglidas.
Paret chi diamante
refretat inie lughe custante
Pustis ojos a chelu
alcio in sa mirada,
abbaidende lacanas lontanas;
inie ido: “michelu!!”
su sole a sa pesada
chi dat colore a seddas incantadas.
Buscos de bonu pigliu,
teulas de vermigliu
coloran biddas inie pasadas.
In su mantess’ istante
mi lughen ambos ojos che brillante.
A orijas sos sonos
mi dan sa sulenada
chi s’ ambiente dat in armonia.
Cussos sentidos bonos
mama natura dada
tando intendo totu in melodia.
A zoccu sas campanas
de chejas foranas
m’ ammentan chi sa Pasca est allegria.
De cuntentu bundante
su coro do a su mundu che amante.
Nessun commento:
Posta un commento