il carroccio (su barrocedu)

Su barrocio

Su  barroceddu  de’ Giussano..Accò!!

at perdidu sas rodas in caminu,

nach’ an leadu  s’abba  dae su Po

pro batijare  su nou cunfinu.

No lis apo cumpresu unu ..bhò!!

ma ite cheren?? Cal’ est su finu,

no apo ma’ intesu  roba ‘ona:

si no “Italia e Roma ladrona”.

An postu  a s’ Istadu sa trobea

sa fune chin su giogu in Parlamentu,

subitu poi a su lea – lea

in africa ch’ an gitu su sermentu.

Trotas, razistas,  grezos  chei sa frea

vint’ annos  chi sighimus su trummentu,

politicos chen’ arte peruna

si no cussa de   fagher fortuna.

sa neula de sa  'adde Padana
forzis lis at  'oltadu su chelveddu
s' istoria  si l'an torr' inventada

e garridada in su barroceddu
politica in tempos d' arrogantzia
cundida chin serment'e ignorantzia