lunedì 30 gennaio 2012

su tempus









su tempus



Su tempus  nostru  est sempre currente
cando lu pessas si ch' est già passadu,
deris,  o cras  no es mai presente
che-i su 'entu isse  ch’est boladu.
Est  cussu   limbazu frecuente
de narrer como....,  pro tempus andadu,
e  finas  cando paret benzende
prima de l’ider  si ch’ est imbelghende.



  • Paola Black ‎--

    Nos jughet tottus a s'appuligada
    su tempus, passàda sa pizzinnia,
    dae cand' a 'bratzeta lu portìa
    ca como de sos annos so gravada;
    eppuru pesso chi ammadurada
    mi soe sena tanta tribulìa...
    ... Mi goso menzus su tempus presente
    prejadu che passad' e avvenente....





  • Lussorio Cambiganu

     Est gai su tempus.. no dat car’ a niune
    ne a sos re, nemmancu a sa bellesa,
    no si podet ligare chin sa fune,
    no est teracu .. e no chilcat richesa.
    Bi nd’ at chi gioventura calecune
    chilcat de agatare in s’ etzesa,
    ma forzis cussu est già  in vida mortu
    ca no a su tempus, ma isse faghet tortu.


    Giuseppe Pintore 

    ‎*



    E su tempus chi nos da pedinu
    contras de issu s'omine no resessi.
    firmare no si podet ca si ch'essi,
    proite lu prosight su caminu.
    Lea s'esempiu de unu trainu
    s'abba currente no e sa matessi,
    No as s tempus a bide sa prima
    ne sa segunda ca mai si frima.


    Lu tempu (Miryam Marea)

    E candu noi pinsemu 
    di filmallu,
    lu tempu
    sinn'anda piu' lestru 
    di li nostri pinseri,
    palchì
    iddu anda..anda
    ...e insembi a iddu
    s'innandani li sogni nostri ,
    palchì no so' altru
    che sogni senza tempu
    e lu tempu curri
    palchì tempu 
    d'aspittacci no ha !

4 commenti:

  1. Lu tempu (Miryam Marea)

    E candu noi pinsemu
    di filmallu,
    lu tempu
    sinn'anda piu' lestru
    di li nostri pinseri,
    palchì
    iddu anda..anda
    ...e insembi a iddu
    s'innandani li sogni nostri ,
    palchì no so' altru
    che sogni senza tempu
    e lu tempu curri
    palchì tempu
    d'aspittacci no ha !

    RispondiElimina
  2. Lussorio Cambiganu


    Il tempo


    Il nostro tempo corre sempre,
    quando pensi,.. è già passato:
    ieri o domani , non è mai presente
    come il vento è volato via.
    E’ quel linguaggio comune
    di dire “adesso”.. per il tempo andato,
    ed anche quando sembra che arrivi
    prima di vederlo è già scomparso..!!

    RispondiElimina
  3. Miryam Marea

    tempu chi veni e passi,
    canti signi toi innantu
    a la me' cara
    e 'nantu a l'occhi ...
    eppuru la gana di ghjucà
    no' mi la bochi ,
    palchì lu cori è steddhu,
    ancora candu tu strampendimi,
    stracca mi lassi

    RispondiElimina
  4. Lussorio Cambiganu

    Sa terra ‘ue pones raighina
    est solu pro un’ ora passizera
    su tempus de abbasciare s’ ischina
    pro ti l’ asare che a mama vera
    pustis t’ aceras a sa sort’ edrina
    chilchende de cumprender sa manera
    comente menzus poder ‘istare
    in tempos chi che deven colare.


    RispondiElimina