in cussorza...

Impare in sa cussorza..

No si podet  iscrier chin sa conca

si  sas paraulas  inie   no torran,

si-no  su sensu  ch’ essit in birronca

e rimas luego  sa metrica folzan.

Nd’ essit a fora  ottava biscionca

o ater’ istrofa  chi poesia isconzan,

tando  no la connosco..no  est sa mia!!

est cos’ andada  male..mai si siat.

Cando però si movet  cussa forza

chi onz’ intantu mi donat sa natura,

penseri  fuit  che semen’ a sa corza

pro dare fruttu  chi ben’ ammadurat.

Torrat chin megus a cussa cussorza

ch’ amus  pesad’ impare in bona cura,

inie recuin  a fiotu  dae sa mente

sos verbos  ch’ intran in coro ‘e  sa zente. 

Sun   cussas  bellas  ideas  pasadas

subr’ e  onzunu  de bonu sentidu,

si  cheren onz’ intantu ischidadas

pro  poder dare  su gosu cumpridu.

 No faghet nudda .!!. no est in debadas,

finas  si pagos  .. d ‘  issa  l'an’ ischidu.