Paradisu...Purgadoriu e ilferru...(Paula Black, Pintore , Cambiganu)

Paradisu...Purgadoriu e ilferru...(Paula Black, Pintore , Cambiganu)

Giuseppe Pintore

No isco chi garrigadu e su fusile
e ch'isparat cando do s'avisu
de nou innoghe apo detzisu
un'inbitu cun amistade e zentile
pro giambare unu pagu s'istile
inferru purgadoriu e paradisu
ligados sunu no andana de sesi
proamos a discute custa tesi.

 · Non mi piace ·  ·  · 3 ore fa nei pressi di Salonicco

• 
  

  A te, Teresa Sotgiu, Paola Black e Sardegna Numero Uno Viaggi piace questo elemento.
• • 
    

    Lussorio Cambiganu Custa materia divina meda seria
    Contada dae profeta e ‘vanzelistu
    Pustis Dante in divina cummedia
    Nd’ at fatu logu ‘e gosu finas tristu
    Mighelanghelu in Sistina dipighia
    Judisciu pro umanidade de Cristu
    Luego de su chi b’est a s’interru
    Cherzo narrer sas penas de s’ilferru
    

    3 ore fa ·  ·  1
  • 
    

    Paola Black ‎---
    Che Beatrice m' ist' in Paradisu
    e no mi lu chirro pro sos meritos
    ma ca che femin' appo sos diritos
    de dispensare carinn' e surrisu.
    Donz'omine che Dante s'est abisu
    e gai sos eroes e sos mitos...
    ...chi sol' 'e sa femina sa bellesa
    che los pigat a chelu in lestresa...
    

    2 ore fa ·  ·  1
  • 
    

    Giuseppe Pintore Tando lo sonamos sos armonios
    chi la ponimos in motu sa vena
    de bi reflittede a fundu apena
    es netzessariu cun sos cunsonios
    ca tantu in sa vida terrena
    no semus totu santos ne dimonios
    deo de ambo duos so in difettu
    proite mi agtto a mesu trettu.
    

    2 ore fa ·  ·  2
  • 
    

    Paola Black ‎---
    Che ses in cue, ne pett' e ne pische,
    Peppe ti cherzo pro forza salvare
    peroe ti cumbenit a pregare
    no t' ortes a josso e no t'arrisches
    s'anim'a Luciferu no affittes.
    Intenn'a mie si cheres pigare...
    ... a chel' 'ue t'isettat donzi gosu
    de s'armonia divina ch' isposu...
    

    circa un'ora fa ·  ·  1
  • 
    

    Lussorio Cambiganu Est beru chi naschidos innotzentes
    Semus totu in manos de Deus
    Su fatu est chi in istrada sa peus
    leamus pro su pius frecuentes
    totu pessamus de essere Zeus
    subr’ e s’Olimpu ‘ue tue presente
    bives Peppe serenu in terra grega
    ‘ue sos Deos fin sempre in bega.
    

    circa un'ora fa ·  ·  1
  • 
    

    Giuseppe Pintore Deo chi so in vida pecadore
    non poto esser'omine onu
    proite gai narat su redentore
    sa vida eterna tenes chi ses bonu
    chi ti pentis nde tene su perdonu
    ma espiare lu deves cun dolore
    e duncas pro ti purificare
    prima in purgadoriu deves istare.
    

    circa un'ora fa ·  ·  2
  • 
    

    Paola Black ‎---@Lussorio Cambiganu m'est difizile a t'esser cuntra, ma mi toccat, tene passenzia ;) no so mancu si bi la fatto eheheheh...
    
    Dimoniu, no fentomes a Deus
    ch' 'ue che ses no ti bastat sa 'oghe
    po ti ch'intender finzas a innoghe
    anzis adduradicch'in su logu peus
    prima chi Micheli ti che boghet
    chi Peppe mi lu jutto cun megus,
    ...ca inie ti ch'at mandad' Iss'ettottu
    e su male ch'as fatt'est connottu...
    

    circa un'ora fa ·  ·  1
  • 
    

    Lussorio Cambiganu Tot’ in sa terra cheren su paradisu
    Fuende a povertade e su dolore
    Ma s’ischit chi su Nostru Segnore
    Premiat piantu e punit su risu
    Difatis su chi naro no est errore
    “chi omine ‘e peccadu est su bisu”
    Etando pro cantu innoghe conte
    Bos naro “prenotade a Caronte”
    

    circa un'ora fa ·  ·  1
  • 
    

    Giuseppe Pintore A mie Caronte no mi cunfortada
    ca issu leat is animas niedda
    cun Cerbero chi continu apedda
    a guardia in cuss'intrada l'iscortada
    a mie s'anghelu leat s'animedda
    de s'intrada e su monte la trasportada
    ma prima de si intrare dispone
    prite a guardia bi es Catone.
    

    circa un'ora fa ·  ·  2
  • 
    

    Paola Black ahahaha ... bellissima, Lussorio Cambiganu ;D
    
    --- Pintore no ti fettasa tentare
    dae cussa lusinga de Coedda,
    ma mir' in artu e fue innedda
    chi ti pott'eo sa man' agganzare
    e iscanire donz'umbra niedda
    si s'ora tua tevet arrivare...
    ...ca Deus ettottu m'at cunfidadu
    chi sos peccados t'at già perdonadu...
    

    circa un'ora fa ·  ·  1
  • 
    

    Lussorio Cambiganu Paula ‘e Paradisu illusione
    ca omine est lead’ a su visciu
    onzi peccadu est a iss’ ammisciu
    pessende de essere Sansone
    ma s’aminu lu gighen a pudisciu
    e no cumprendet mai leiscione
    est pesante ‘e peccadu pro chelu
    no lu faghet passare cuss’ anghelu.
    

    circa un'ora fa ·  ·  1
  • 
    

    Giuseppe Pintore Cando arribeit s'ora e sa morte
    prima de faghe s'ultimu respiru
    so istadu un'iscuta in retiru
    pensende e como cale sorte
    penzo e prego a coro forte
    mi da deus sa pena o s'amiru
    mi so penettidu s'urtimu momentu
    e de su purgadoriu soe cuntentu.
    

    circa un'ora fa ·  ·  2
  • 
    

    Paola Black ‎---
    Si Peppe no t'at firmadu cuntrattu,
    so ancor'in tempus a lu salvare
    solu chi tevet issu cunfidare
    in megus e mi tevet ponner fattu.
    Ca est valevol'ancora su pattu
    de su sacramentu rezid' umpare...
    ...Chi eo l'appo fattu de madrina
    e no mi lu faghes tue a chesina!
    

    circa un'ora fa ·  ·  1
  • 
    

    Lussorio Cambiganu Pedides su perdon’ in punt’ e morte
    Cando sezis in vana solidade
    Innanti a megus chin tanta viltade
    Cherides bois fuire a sa sorte
    No b’at remediu pro s’umanidade
    Chi ballat sempre chin megus in corte
    Su tempus est passadu, est troppu tardu
    Pro pedire a Deus riguardu.
    

    circa un'ora fa ·  ·  1
  • 
    

    Giuseppe Pintore Sa vida es totu ballariana
    tue nos tentas cun cosa bellas
    a sa lege divina ti ribellas
    sas cosas feas la mustras galanas
    impones puru cosas male sanas
    sos pecados timbras e no cancellas
    pero chie si pentit a s'urtm'ora
    in su perdonu isperat ancora.
    

    circa un'ora fa ·  ·  2
  • 
    

    Paola Black ‎---
    Deus su perdon'at già dispensadu
    a iss' e a tottus e ammentadinde
    ch' in s'albor'e vid' 'iat perdonadu
    pur'a tie chi fis male paschinde,
    ses tue chi ti l'as alluntanadu
    ca de sa zelosia fis morinde...
    ...cherias Deus tott'a contu tou
    e de lu sostituer faghes prou...
    

    circa un'ora fa ·  ·  1
  • 
    

    Lussorio Cambiganu Tue Paula parese Franzisca
    E Peppe paret Paulu s’amante
    Ambos ligados a coro costante
    No bos pentides ‘alu de sa trisca
    Sos menzus versos postos dae Dante
    Chi renden in s’ilferru s’aria frisca
    Sun custos .. de s’amore ch’ at punidu
    Nende chi chelu no cheret pentidu
    

    circa un'ora fa ·  ·  1
  • 
    

    Giuseppe Pintore Franzisca cun Paolo a bolu
    sinu in sa lussuria insoro
    po nde tennere de consolu
    ana unidu coro a coro
    pero de me deus no nd'a dolu
    in vida donni die es chi l'onoro
    e pro aer fatu minore pecadu
    a mi purgare s'anima cundennadu.
    

    58 minuti fa ·  ·  2
  • 
    

    Paola Black ‎---
    Ma Dante no est Deus, Cambiganu...
    chi leat peccador' in simpatia,
    su sou fit su zudissi' umanu
    attera cos'est sa divina 'ìa...
    Destinu nostru credimos in manu
    inveze no b'at custu cont'ebbìa...
    ...B'est sa cussenzia chi nos avvertet
    cando b'at male chi nos inferchet...
    

    52 minuti fa ·  ·  1
  • 
    

    Lussorio Cambiganu Duncas mi nades chi solu su perdonu
    Dat logu pro pigare subr’ e nues
    Tando proite a sa morte fues
    Si Gos’ Eternu azis pro donu?
    Veru est tando chi dae chelu rues
    Ca grascia no si dat a s’indonu
    Si in vida azis sempre peccadu
    Ammie bos an como cundennadu
    

    50 minuti fa ·  ·  1
  • 
    

    Giuseppe Pintore A donnunu deus arbitriu a dadu
    de sa vida sua es padronu
    a tie puru tiaulu a fatu donu
    poi ti sesa deus ribelladu
    de bellu in s;inferru t'a collocadu
    e mancu ti cunzede su perdonu
    proite cherias esse che a issu
    ta fatu feu e postu in s'abissu.
    

    39 minuti fa ·  ·  1
  • 
    

    Paola Black ‎---
    No gires, Rinu, sas cartas in mesa
    e pessa ben' a sa creazione
    s' Eden in terra fit cundissione
    chi regul' 'e Deu no fit offesa.
    Pero' tue as tentu sa pretesa
    de inghiriar' anim' e pessone...
    ...Ca po primu no ti sese pentidu
    de tottu cussos passos cìas faddidu...
    

    38 minuti fa · 
  • 
    

    Paola Black ‎---@Giuseppe Pintore deo la io, poitte no bi sunt addurande? boh, a mie puru a bortas no mi aggiornat sos post 'ostros...
    

    33 minuti fa · 
  • 
    

    Lussorio Cambiganu De sa lussuria ‘eo mi nd’ onoro
    Su numen mi dat su disizu
    Bois chi de sos viscios sezis fizu
    Mi nades de s’ amore sol’ e coro
    Su veru est chi custu no istat rizu
    Ca passione ligat a s’issoro:
    Corpus chin corpus est peta ‘ia
    No zertu aria pura o maja.
    

    31 minuti fa · 
  • 
    

    Giuseppe Pintore Mirende su creadu in generale
    de su bene onnunu est in disizu
    mancari no meda nessi un'aizu
    su tantu de non b'istare male
    s'omine cun pecadu originale
    enit a mundu poi cun su batizu
    li samunan cun s'abba su pecadu
    cun totu ancora no s'es salvadu.
    

    25 minuti fa ·  ·  2
  • 
    

    Paola Black ‎---
    Ma cando su corpus si che irfaghet,
    narami Rin' 'u' est sa passione?
    Sa lugh'est po s'anima su timone
    e no su fog'ardente chi ti praghet.
    Tott'est ca gosas s'issa pranghet
    e no nd'as nudda cumpassione...
    ...Passione no b'at in paradisu
    ma b'at amor'isconfinad' e risu...
    

    21 minuti fa ·  ·  1
  • 
    

    Lussorio Cambiganu De su peccadu ‘eo s’autore
    So su ch’ in vida ‘ois simizades
    Ricchesa, egoismu e vanidades
    Sun meritos de mente e de core
    Chie ponet in campu sas virtudes
    Est maschera faddida est attore
    Comente narat nois Pirandellu
    Virtùde prubica, privadu zimbellu.
    

    20 minuti fa ·  ·  1
  • 
    

    Lussorio Cambiganu a li ogamus de cabu???? riprendimus istasero??
    

    19 minuti fa ·  ·  1
  • 
    

    Paola Black ‎--- Lussorio Cambiganu so deaccordu, si no in domo no accudo sa faìna... :) Solu po custu riguardu merìtas su paradisu, Luciferu... prrrr
    

    18 minuti fa ·  ·  1
  • 
    

    Lussorio Cambiganu mi paret chi su tema siat interessante... Dante e sos evangelistas si sun oltende in sa tumba
    

    18 minuti fa ·  ·  1
  • 
    

    Giuseppe Pintore s'omine chi podet s'imbeleschede
    de totu canta sa obera suas
    li naran su peccadu menzu fuas
    ma peca donni die avreschede
    a custa vida si enit pro creschede
    pro penare o pro sanare sa buas
    s'anima registra totu in s'inserru
    detzidi pro paradisu o s'inferru.
    

    15 minuti fa ·  ·  2
  • 
    

    Lussorio Cambiganu bon' apetitu..
    

    14 minuti fa ·  ·  1
  • 
    

    Giuseppe Pintore hahahahaha mi faghides riere faghimos pausa tando....
    

    13 minuti fa ·  ·  2