bellesa areste

De areste bellesa

Ti dio cherrer faghere cantone

ma no isco da ‘ue cominzare,

se tropu bella pro ti cumparare

chin  paraula  chi a tie s’atonet.

Etando eo mi frimmo a ti mirare

pensende cantu natura  donet 

a chie no ammasetat, che  sirbone,

ca sol’ areste  si la podet gosare

cantu ses bella tue singulare
isperias de totu meravitza
cando  t' iden cambian sa chitza
mancat paraula a ti  poder  cantare
ses  de s'amore sa punt' e sa fritza
chi totu faghet sa conca leare
finas  si ses difizil' e leare
comente in mes' e roccas est sa mitza-