forza 'e natura

Sa forza ‘e sa natura..

Cando fiorit  piant’ a su frittu

est che sa forza  chi truncat sa cadena,

unu  disizu  de libertade apitu

chi restat cuadu  in sa carena.

Ajulat totu  .. che omin’ ezitu

chi at connotu  in vida ‘onzi pena,

poi  a sa lughe dat sa meravitza

de sos colores chi cambian sa chitza.

Ebbai de onzi cosa est  mama e fitza

e  ponet   sa terra in allegria,

S’umanidade  chin issa istat ritza

ca  li dat  sas notas de armonia.

La coglit che in pilos bella tritza

nendeli  pustis  “ses  sa vida mia”;

sa forza  soberan’ e sa natura:

ses  tue  chi  movts totu e chin iss'addurat..