su Pastore, s'erveghe e su grodde (mazzone o mariane) ..F.Masia, G. Pintore S. Sini, Lussorio Cambiganue,

Francesco Masia

Amigos pienamus de fiadu sa fodde
pro custu nou tema c’appo impostadu
in tres andada discussu e interpretadu
ca sunu; “Su pastore”,”S’arveghe” e “Su grodde”
deo mancari sia su pius cori modde
cussu de grodde m’appo seberadu
dae a bois aispetto sana e tzentile risposta
pro lu discutere cantu cherimus chenza sosta.

• • Francesco Masia
    
    
    Ontzunu de su sou s’acconosta
    pro abbellire gara poetica e cantone
    in atteros logos mi narana “Su mazzone”
    e so astutu e giuto faccia tosta
    a istare a giru nudda già mi costa
    e chirco de chirriare arveghe dae anzone
    isto in montes in alturas e pianuras
    e m’acculzio a ue b’ada amas in pasturas ..
    

    
    
  • Giuseppe Pintore
    
    
    Ma es tema ue ba pagu campu
    proite sa elvege es post'in mesu
    e mi pare ca tene pagu iscampu
    de grodde e pastore subit su pesu
    peroe sempere agattad'un'istampu
    pro si che pode fuire attesu
    cando bos paret chi so ruta suta
    bos'istades tando a bucc'asciuta.
    

    
    
  • 
    

    Francesco Masia
    
    
    Bi tenzo a sa mia santa rejone
    de lu cherrere su tema palesare
    a mie m’est devidu toccare
    de poetare cun pastore fannullone
    e m’ispettàda de dirittu a bos mustrare
    sas trassas chi giughede su mazzone
    cà cun cussa bon’intragna e furbidade
    a su mundu mustro totta sa mia abilidade..
    

    
    
  • 
    

    Giuseppe Pintore
    
    
    Naras in su mundu tenes fama
    peroe no nd'a cantu nd'apo deo,
    bonu ses a tesse donni trama
    ma mancu disattenta no lu seo.
    Chi ba guardia c'attacas non creo
    proite che la finis in drama;
    ca ti che fues a coa altziada
    e non ti alet s'astutzia famada.
    

    
    
  • 
    

    Francesco Masia
    
    
    Arveghe ista muda e in pasu
    e cuntivitzadi su tou anzone
    cà si ti fidas cun d’unu solu buccone
    pastore dae te non faghede pius casu
    ti fatto a bidre chi ti dono unu asu
    e a fitzu lu fatto a maccarrone
    cando ti paffo pius educadu e cumpridu
    est cà so a istogomo boidu e famidu...
    
  • Giuseppe Pintore
    
    
    cres de faghe sa parte de leone
    ma male sos contos ti as tiradu
    deo s'anzone apo contivizadu
    e tue susu farranca no li pone
    e chi no istas attentu e masuradu
    in bucca tua intrat ateru bucone
    chi ses famidu mancu t'inchiete
    menzus ch'ingullis unu buconete.
    
  • Francesco Masia
    
     A notte fisti anzone tentende
    pruite bi times appena bi mancas
    deo mi pijo in lestresa sas ancas
    cando in giru e in pinnetta fiaghende
    si m’abitzo chi b’ada petta coghende
    subitamente bi las betto sas francas
    e daghi bene mi so abbentradu e attatadu
    mancu restu e ossigheddos de tene bà restadu...
    

    
    
  • 
    

    Giuseppe Pintore
    
    
    custa in veridade no m'es nota
    proite meda ti ses azardende,
    no isco chi t'agrada sa peta cota
    fortzis tue in giru ti ses lende.
    Chie la coghet atentu l'es girende
    chi la leas tue s'anca ti brujas tota
    ti fues e non ti alen sas protestas
    famidu fisti e famidu restas.
    

    
    
  • 
    

    Lussorio Cambiganu
    
     De su pastore intendo su cantu
    Dae cando mi so fattu minore
    Sempre ammisciu su risu e su piantu
    Isse est de natura su pintore
    Ischit de sa vida tottu cantu
    Su gosu, sa tristura e su dolore
    Niune lu podet assimitzare
    Ca est omine veru ‘e ammirare
    
  • Francesco Masia
    
    
    Tue pastore si cheres drommire
    drommidi puru a s’iscurigada
    cà si sa robba dai tè est tentada
    su chi tocco lu podes ischire
    cà si tenzo bisonzu de mi nutrire
    pro tene iscampu meschinu non b’ada
    e mancari tue t’arrabbies e t’arrenneghes
    benzo e ti che furo antzones e alveghes...
    
  • Giuseppe Pintore
    
    
    Como es benidu su protettoe
    pro una die es bistadu assente,
    peroe tue matzone prepotente
    no leas pegus mannu ne minore.
    Proite conto deo innotzente
    e mi proteggid'in totu su pastore.
    Ca ti ritenet una bestia vile
    ti puntad'a petorra su fusile.
    
  • Francesco Masia
    
    
    Tzertu isto a die timende
    mancari paffa semper inferocidu
    si arveghe roba sua est tentende
    su mantessi m’imbolo attrividu
    però cando so boidu e famidu
    tzertu paura non m’istades fattende
    cà su famine non mirada a su pagu
    mancari mi pontzedas giogu a ispagu..
    
  • Lussorio Cambiganu
    
    
    Bestias l’ischides chi bos chelzo ‘ene
    Impare semus fattos pro istare
    Cando giogamus a su tene-tene
    Sempre chilcas grodde de imbrogliare
    Apitu a pienare s’alguene
    Dae s’eveghe cheres iscannare
    Però impare istamus in tres
    Comente a Nadale sos tre res
    
  • Francesco Masia
    
    
    A bortas su pastore s’imbreagada
    e chi ada arveghes non s’ ammentada
    cantos ticcos e litros si chè tragada
    segundu sa cottura chi s’est presentada
    tando est chi su grodde s’ acuntentàda
    cà s’attatada de peta e coltzu e mai pagàda
    passàda de s’imbreaghera sa fraganzia
    tando nd’essidi chiza sa sua palese mancanzia...
    

    
    
  • 
    

    Lussorio Cambiganu
    
     Pro cantu podes essere famadu
    Tue mazzone pro tant’ abistesa
    Dae cando cuss’ ‘ua as disizadu
    Ma poi inie est restada presa
    Nende chi fit crua as rinuziadu
    Ca da’ inie nd’ as lead’ offesa
    ebbai finas Fedro su latinu
    T’at descritu comente poverinu
    
  • Francesco Masia
    
    
    dadu chi mia furbitzia est fentomada
    e narana chi nd’appo a muntone
    l’impitto fintzas in custa occasione
    cà pro duas oras devo dare pasada
    una in pius bos che l’appo bettada
    pro bos dare forza e isprone
    pastore risponde a s’arveghe
    cà tantu mancu tue nd’as neghe....
    
  • Giuseppe Pintore
    
     Franzisu ses in chilca e colzu
    peroe mi pare ca pagu nd'gatas,
    ca si ti ponene su mossolzu
    cando ses a giuru suta matas
    a mie faghene bella in tusolzu
    e duncas de me non ti atatas
    proite in coss'ora onore mi dana
    ca pro si estire lis do sa lana.
    
  • Francesco Masia
    
    
    Cantu pius faeddas pius mi benidi musa
    cara arveghe bellitta e succulenta
    si t’approntana cun pane e pulenta
    est mentzus chi sias fintzas tusa
    gai grodde de pius sind’abbusa
    e cun faina mandigada a manutenta
    est peus daghi ses piena de lana
    ca de cussa mancu canes nd’an gana..
    
  • Lussorio Cambiganu
    
     Pagu erveghe ti deves ‘antare
    Si no do eo a tie un’ ojada
    Canes famidos ti s’ana a manigare
    E no bi restat mancu iscampiada
    In ijerru di fatto aproendare
    Cando enit forte temporada
    Erveghe tue perdes su candore
    Si a lampadas no tundet su pastore
    
  • Giuseppe Pintore
    
     Ma osselvas s'iscritu attentu
    comente so leada a paragone
    su grodde in chilaca de masone
    mi pare temperadu a donni entu
    su pastore onu cun attenzione
    nde lassa norantanoe pro sa e chentu
    fit issa importante e bene tratada
    bessi la chilca finas chi l'agattada.
    
  • Lussorio Cambiganu
    
     Grodde ses tue sempr’ in bella vista
    In sas ‘edrinas de Montenapoleone
    Bia ‘e moda in Milano s’achista
    Sa pedde tua ap’ idu a capotone
    Tue ti mustras chi pares un’ artista
    Invetze ses solu un imbroglione
    Sempre faulalza e mai sinzera
    Che finis ‘oe o cras in matzonera.
    
  • Francesco Masia
    
     Nois groddes già nòl’intendimus
    e passamus cando non setzis presente
    cando bada canes meda appeddende
    a l’ischides nois tando itè faghimus ?
    si semus in paritzose nos dividimus
    e giogamus cun canes currende
    e cando fattu a unu de nois sun tottu
    s’atteru leada s’anzone de unu bottu...
    
  • Lussorio Cambiganu
    
     Erveghe tue ammie faghes dolu
    No chelzo chin tegus infierire
    In cumpanzia mia sempre solu
    ses sempre fattu a mie in su sighire
    De custa vida sempr’ in oriolu
    Eppoi ite lastim’ a t’ occhire
    Cando non mi das latte e ses sicca
    Eo t’scanno e naro chi ses zicca
    

    
    
  • 
    

    Giuseppe Pintore
    
     O grodde non ti ponzas in dillirios
    no e sempre chi arrivas a s'impreu
    cando chi faghes cussos inghirios
    no ses furbu ca est atu feu
    e tue pastore evitami martirios
    ca so finzes su simbulu de deu
    cando chi bi rifletes a fundu
    salvo deo is pecado de su mundu.
    
  • Francesco Masia
    
    
    Sò su mazzone appena pius anzianu
    già ndè fatto de ontzi colore
    cundannende sa vida de pastore
    cà non pesada chito su manzanu
    mi che tzacco in sa mandra pianu pianu
    intrendebì cun furbicu candore
    mancari cun arriscu e cun mattana
    mi pijo s’anzone e mi che torro a sa tana...
    
  • Lussorio Cambiganu
    
    
    Totu pro te e pro amor’ e Deu
    Est sa vida ch’apo impignada
    Ma ses tonta e ses castigada
    Pro cussu as su destinu feu
    Cando t’iscambas e restas isolada
    De mariane tue ses recreu
    Eo ti chilco in tota sa leada
    Cando t’agato ses tota manigada.
    
  • Giuseppe Pintore
    
    
    chi tue tentu aeres a usu
    unu pagu de mi contivizare
    su grodde no at'acurtziare
    proite tue li etas de susu
    tue no m'abandones piusu
    chi mi leas e mi podes curare
    pro ruer in buca e s'anima niedda
    prefero piusu a ruer'in padedda.
    

    
    
  • Francesco Masia
    
    
    Si fintzas deris antzone bos mancheidi
    e chi atzis contadu m’atzis nadu
    càndo un’antzone solu s’abbandeidi
    e tottu pagu contu b’atzis dadu
    creidemi appena cussu solu resteidi
    sas francas b’appo lampadu arrabbiadu
    e cando fora de ama e solu bidu l’appo
    in presse l’appo tentu e a chenare mi lu pappo...
    
  • Lussorio Cambiganu
    
    
    Mariane, grodde ..oburu mazzone
    Pessas de fagher totu in abistesa
    Per’ onzi tantu leas leiscione
    Cando mala ti essit s’impresa
    Dolor’ e barras cando su buccone
    Chi ponzo chin tritolo faghet presa
    Tando chi t’ido no ses pius balente
    Ca no ti restat ne barra ne dente
    

    
    
  • 
    

    Francesco Masia
    
     Ho!! pastore non mi fattas arrabbiare
    cà si no non ti fatto pius drommire
    deo ti fatto istare semper in cuile
    e a doppiu ti fatto isgobbare
    a domo tua non ti fatto recuire
    e atteras amas ti deves poi chircare
    a dontz’ora ti fatto abboiu e visitedda
    e mi mandigo de s’ama laghinzedda ...
    
  • Giuseppe Pintore
    
     grodde pius t'alzas e pius falas
    proite nesciunu ti perdona
    tue ses fizu de obera malas
    deo soe fiza de obera bona
    su pastore mi leat in palas
    e finzes a gesucrisu mi dona
    soe ancora simbulu in si presepe
    umpare a gesusu maria e zuseppe
    
  • Lussorio Cambiganu
    
    
    erveghe de Sardigna tantu amada
    pro latte chi est una meravitza
    su menzus casu isse cuntivitza
    cando pastore faghet s’intrada
    poi e calch’ annu ischina no istat ritza
    mulghend’ a tie a sa caddigada
    sas manos si che faghen a businu
    no tenen pius mancu tazz’ e inu.
    
    
    Giuseppe Pintore
    
  • si micche toccat in sa mandra istare
    ben'accuccadu in mantu biaittu
    cun megus as a dever battazzare,
    e no ti fides ca no timo frittu.
    Hap'imparadu e drommo a un'oju solu
    e a fatta 'e die mi torrat consolu.
    
  • Francesco Masia
    
    
    Tue già l’isco pastore già lu ses
    chi istas tentende sa robba fidada
    deris manzanu a ora de sas tres
    già l’acciappei arveghe iscamada
    appo idu antzone si bi cres
    e sa matta mi l’appo carrigada
    est beru chi tue m’isparesti
    ma mancu su pilu mi corchesti...
    
  • Salvatore Sini
    
     Chircad'un' ater' ama grodde meu
    ca in custa no b'agattas pius pastura
    ista chietu, no ti lees anneu
    chi trappula apo postu in sa chijura.
    Si ti la catzas ringrazia a Deu
    Ch'as agattadu a mie cun pedde dura
    De colzos ndh'apo in fila pius de chentu
    tando ti naro, bae...ist'attentu
    

    
    
  • Giuseppe Pintore
    
    
    Como no aculzas a sa foghilaja
    ca unu pagu nde tenes timoria,
    de fusilads intendes una paja
    gai si fini totu sa tua boria
    sa ballas arrivana rujas che braja
    e po me sinnada est una vitoria
    tando es chi nde tenzo cunfortu
    deo so bia e tue ses mortu.
    

    
    
  • 
    

    Salvatore Sini
    
     Comente a una fiza apo piantu
    bidende s'anzonedda mia morta
    torradu bi ses tue cantecantu
    a mi brullare un'atera orta
    Quidadu grodde no nde fattas bantu
    sa cartuccera mia no est isolta
    Passa sa brama tua a carchi fizu
    ca como a mortu no mi das fastizu
    

    
    
  • 
    
    

    Lussorio Cambiganu
    
     Grodde l’ap’ idu a fulcalz’ apicadu
    Ca nachi de sos dannos fit sa neghe
    Su pastore chi l’ at isparadu
    No at pius ne grodde ne erveghe
    Como fin’ isse est ispastorigadu
    Etando che su inu fat’ a feghe
    Cheret chi cambiet su trabagliu
    Ca cuss’ isparu est istad’ un’ isbagliu
    

    
    
  • Francesco Masia
    
    
    Cun sa petta ostra ontzi tantu fatto festa
    cà sas dentes mi cherzo cariare
    mai faghimus a bicu e a pare
    cà so abbistu e mi funzionada testa
    cando bos ponides in sa mandra a intrare
    giughides canes unu a manca e unu a destra
    non poto faghere de cussos cun megus paragone
    cà mancunu est astutu e isvegliu che mazzone..
    
  • Francesco Masia
    
    
    Bianca e timorosa arveghe
    chi ses timida est notoriu
    t’aggiuada su pastore Lussoriu
    ma mancu cussu ti donà e ti deghè
    cando setzis umpare piu de deghe
    andades in mantessi pastoriu
    assimitzantes a macca moninca
    inue brincada una s’attera brinca ..
    

    
    
  • 
    

    Francesco Masia
    
    
    Dae med’annos ses bonu pastore
    e asa semper arveghes contivizadu
    e de fiadu siada mannu che minore
    pius de unu ti nd’ada mancadu
    attiradu dae grodde tentadore
    e dae semper invanu mas chircadu
    mi tenzo attesu dae buccones e cane
    e ti nd’è furu siada in noghe che cuddane....