non b'at iscujas ...

… non b’at iscujas

No mi das peus tristur’ e s’ abbandonu
in biddas e in coiles de campagnas
E tue a sa muda e no ti lagnas
D’ aer in subra ateru padronu
Bidu as peus trascias e siccagnas
E puru semper as pessad’ in bonu
Tue chi ses de populu su donu
Limba de totu amiga e cumpagna.

A mancu ‘e te ‘idriga sa Sardigna
Restat de ‘onzi benidore bonu
Cumbati sas lacanas de masellu

E torr’ innoghe su faeddu bellu

Non b’at iscuja .. perunu perdonu
Pro chie de su sardu no s’ impignat