domenica 6 maggio 2012

fiore in manzanile

















fiore in manzanile


Comente cresches tue
No connosco fiore
Ses  prima rosa  in donzi giardinu
No b’at  oscur’ e nue
Chi  coberzat colore
A chie est asad’ e su divinu
Ide innedda   lughe
Tue chi  meda  jughes
Su donu  e sa bellesa  t’ est vicinu
tue gighes in visu
Sa pizzinnia, cuntentu e su sorrisu

1 commento:

  1. Paola Black

    ‎--- :D ahaahahh... bella meda, Cambiga'... peroe già l'ischis chi so brullana!

    Mi pares che Piras
    a Flora ses tentande
    ca ch'est passad' e como no la toccas,
    dae 'tesu la miras
    e in rima cantande
    sas frizzas de Cupido las iscoccas;
    ma issa ch'est fuìda
    dardu no l'at curpìda
    forzis su coro duru at che rocca...
    ...tando lea su piccu
    chi de la modellare nd'as afficcu...


    Lussorio Cambiganu

    De sa bellesa canto
    Pizzinna in fiore
    Podet esser de me fiza ebbia
    De la cantare m’anto
    Ca est pro me s’onore
    De l’aer contivizzada in pizzinnia
    D’ issa cherzo fortuna
    Chi lugat chei sa luna
    E che su sole in prima manzania
    Est de sa Sardigna
    Sa cosa bella, e d’ issa nd’ est digna

    RispondiElimina