Promissas..
Bos bido che a padres pedidores
umiles de gabbanu ,
sempre prontos,
de populu presentes servidores
abbiles sezis
a fagher sos contos.
No bi nd’ at mannos ‘emmancu minores
chi no nos leen che ainos tontos,
naran.. “si como votas ammie!!
cras.. poto fagher su bene
atie”
Omine tristu, “politiga”
mi naras
“est s’ arte chi
podet tot’ aconzare”,
sos benes , sas busciacas e sas caras
chena bisonzu de tever tribagliare.
No est dae sos istudios chi
l’ imparas
cuss’ arte de su bonu guvernare,
bi cheret s’ imboligh’ e sa zente
in narrer e in faghere niente.
Bidos los apo finzas
a criadura
sempre muntessi passu elocuente,
proponen a su populu sa
cura
“de fadigu”.. mentr’ issos
sun riende.
No dan impoltu a cosa peruna
ca sol’ a dom’ issoro sun pessende,
est de su mundu razza
maleita
no istacat mai dae sa prubbica tita.
Bi nd’ at chi naran .”eo sa veridade”
sos ateros sun malos inimigos,
ammie fide e
podere dade
bos torro gosos e
fagher antigos.
De paghe soberana e amistade
fato sulenu a totu
sos amigos,
“dademi fide..dademi su votu
onzi disizu eo bos
cazo totu”.
Est sa natura chi dat su possessu
a chie faghet logu in
sa mente,
a passu lentu intrat
a su revessu
inghiriende sa fide
de sa zente.
Chie pro ideale o suzessu
atere de imboligos
dischente,
nudda però dan issos a s’incunza
su menzus est cobertu
dae sa runza.
Nessun commento:
Posta un commento