su reposu.. Paula Black.. Lussorio Cambiganu

Su reposu

Paula Black

Si potidu àere

dromire un'iscuta

sos brazzos 'ìa pedid'a Morfeos,

mi fia fatta mere

de-i cussa cunduta

pro sensare sos pessamentos meos;

che arbul'in igerru

'ìa tent'in cuerru

fozas noas pro d' 'eranu inseos...

...trappande corz' 'e ou

torrada fi' a nascher dae nou...

Lussorio Cambiganu

In su tou disizu
B’at de torrar’ a nou
Forzis su trenu torrat a frimmare
Cando pigas a pizu
De cuss’ alenu tou
Chissaghi no lu torres agatare
Si truncas sas cadenas
De lacanas anzenas
segas sa buc’ e s’ ou in biculare
Etando su reposu
Si mudat in sos brios e in su gosu