Zietta Francesca
T’ apo pessadu eo, custu manzanu
comente una lughe m’ aparias,
in s’istradon ‘e basciu Campidanu
m’ est
palfidu chi ammie chilcaias.
At unu tratu
m’as istrintu sa manu
m’as nadu: “l’ as
fata poesia?”
Cussa bella in rimas
ch’ ischis fagher
pro sulenare s’aminu
e piagher.
“Eja zietta .. bi fio propiu pessende,
c’ a tie apo fatu sa promissa
dominiga manzanu declarende
pregadorias in rima che in missa.
M’ as nadu
chi ti fini piaghende
e chi
cherias tue d’esser’ ammissa,
a cussos versos
chi m’essin dae coro
chi como a
tie cumponzo e mi nd’ unoro.
A tie los
porro in
pumas lezeras
ca ses
torrada pizzinna minoredda,
ebbai podes giumpare aeras
‘ue t’ est
isettende mannedda.
Inie bides totu cosas beras
e sos
disizos ch ‘aias a pisedda,
cando sa
vida pariat unu giogu
chena muros de
tempus e logu.
Innoghe sun afetos
e dolores
sos chi as postu
intr’ unu calasciu,
totu impare
cobeltos de amore
pregan a tie
in altu dae basciu.
Siat mannos o nebodes minores
Abban pro te
fiores in su fasciu,
appenas sun
de lagrimas pienos
ti che los
mando chin duos anghelos.
Nessun commento:
Posta un commento