mercoledì 23 maggio 2012

si tio poder....

















Si tio poder


Si  tio poder  esser  de sulenu
aio  fatu   meda  poesias,
de cussas chi  mi essin a bias
chena chilcadas,  a filu 'e alenu.
Sas pius  lezeras  rimas de sas mias
chi tantu  renden  su coro serenu,
sa dulche melodia  chi  penseri
bolat  in fantasia e ‘ue che ferit.

A su dolore  li tio narrer “marranu!!!”
“aite tue nde faghes  presentzia?”
“Forzis ti pessas  de sa vid’ essentzia:
 chena s’ ijerru no benit su beranu?”
B’at  esser puru un’ intelligentzia
chi siat  pius  de tene soberanu,
bene !!  in  sa vida  sun sos  disizados
finas  si  males   no  sun mai mancados.

A sa bellesa la tio incorniciare
tota impare,, intr’ e coro meu,
a modu  ‘e poder  dare recreu
a chie cheret  su mundu amare.
Pustis  nde  tio fagher bon’ impreu
dendel’ a   chie la pedit   pro   istare,
pro poder  isse un’ atim’ in sa vida
coglire  de sos  gosos   pibinida.

Si tio poder esser  de ajudu
aio fat’  unu cumponimentu,
chi tiat esser pro totu  ammentu
cando a sa vida si dada su saludu.
Est propiu   tando,  prezisu  mamentu
nos ammentamus  d’essere fatos de ludu,
totu presumos,  vanesios,  e richesas
perden  sa  forza   e torrat sa bellesa.






1 commento:

  1. Se potessi..

    Se potessi esser di sollievo
    Avrei composto tante poesie,
    di quelle che mi escono certe volte
    senza cercarle, con un filo di voce.
    Le mie rime più leggere
    Che tanto rendono il cuore sereno,
    di dolce melodia nel pensiero
    volato in fantasia dove vuole,

    al dolore lo richiamerei: “marrano!!”
    “perché tu sei presente?”
    “forse, ti credi essenziale per la vita:
    come l’inverno che precede la primavera?”
    ci sarà pure, un’ intelligenza
    che sia a te superiore,
    il bene !! è il desiderio della vita
    seppur i mali non siano mai mancati.

    Alla bellezza la incornicerei
    Tutta insieme, dentro il mio cuore,
    in modo di poter sollievo
    a chi volesse il mondo amare.
    Di seguito ne farei buon uso
    Dandola in prestito a chi la chiede,
    per poter l esso, un attimo di vita
    raccogliere le briccole della gioia.

    Se potessi esser d’aiuto
    Farei un componimento,
    che sarebbe d’ammonimento
    quando si da il saluto alla vita.
    È proprio allora, il preciso istante
    Che ricordiamo d’ essere di fango,
    tutte le presunzioni, le vanità e le ricchezze
    perdono la forza e ritorna la bellezza.

    RispondiElimina