malu podere (mal governo)

Malu podere (mal governo)

Bi cheret curagiu in sa vida

pro narrer  ite frorit in sa mente,

pro poder fagher nois s’atrivida

d’ esser  padronos  e no  servientes.

De  modas,  e de  cosas semper bidas

chi  torran  a s’imbess’ in s’ oriente,

chi faghen aultire s’arveschida

de onzi cosa noa .. mai bida.

Sempre diai,  sa mantessi  cosa

ti naran: “vot’ a mie e b’ istas bene”,

Su mundu est gai,  intr’ e una losa

s’ onestu semper est cabuene.

Pone a  conca, sa mente reposa

iseta  chi  podere ti sulenet,

no b’at  ateru mediu  in sa vida:

pessare a tie ..  su restu  mai s’ idat.

Eppuru.. alu no m’as conchinadu

dimoniu chi mi cheres fagher mannu,

a  criadura  como  so torradu

pustis chi   t’ ap’ idu  fagher dannu.

Totu su mundu asa triuladu,

as postu  totu cuntra e in affannu.

Ma forzis  si  s’ istoria s’est cumprida

finzas pro te .. sa fine est arrivida.