Sa faeddada sarda
Limba chi sonas che sa campanella
das armonia chi leat su coro,
no perdas mai boza d’esser bella
muntene sempre altu su decoro.
De virtudes resta sa virzinella
alu ses pura, simile a s’oro,
Tue no ses a segus de niune
de sa campana ses pirone e fune.
Cando ti sento ispalt’ in sa leada
mi paret d’intender bogh' e tenore
bella, ladina in cussa cantada
de sa Barbagia chi leat su core
Su cantu in re e sa faeddada
colorit et adornat che fiore,
su sardu faeddadu dae sa zente
in donzi zassu 'e custu continente.
Sa poesia frommada in Logudoro,
cantos antigos de alta Caddura,
Sos contos betzos de su Campidanu
issos de sa Sardigna sun tesoro.
Sun sabies’ e ment' e criadura
chi tot' impare nos pedin sa manu.
Nessun commento:
Posta un commento