Ideas…
Milli colores bidu
Cando in chelu brillan
Ideas chi in conca sun bennidas
Issas apo coglidu
Mancari no s’idian
da’ inie mai nde sun bessidas
Comente pupieddas
Ch’ ides e no faeddas
Ijones prima d’ enner già finidas
De cuss’ illusione
No restat ne braja ne carvone.
Sol’ una frin’ e bentu
faghet allughinzare
su fogu chi paret siat morzende
su chi li dat cuntentu
a chie no ischit amare
de idere su mundu atausinende
però si sulat fogu
sa vida leat logu
fiama intendet torra trachidende
pro la poder coglire
s’idea bisonzat de la midire
Nessun commento:
Posta un commento