Cando mi mancat..
Ite bi chilco in cuss’ ou ‘e Pasca?
si no s’avveru de s’ amina mia,
sempre presente dae sa pizzinnia
m’at tentu cumpanzia e mente lasca.
Cando mi paret aculzu a bia – ia
pesso de l’ aer cuadu intr’ e sa tasca,
nd’ intendo sa presenzia e sa basca
finzas in logu desertu chin s’eddia.
Fat’ istat chi abbias no bi pesso,
in chilca de ateru ist’ apitu,
lughes majalzas d’amore carente.
Est tando ch’ in sa chilca no resesso,
finas in die calda sento fritu
cando custu penseri no est presente.
Paola Black ---
RispondiEliminaIte dulze favella
giar' e cristallina
che lentore carignat sos cavànos;
chin custa boghe bella,
musìca subrafina
si biet già chi s'arte l'at in manos.
prenda de poesia
dechid' 'e armonia
ch'ispantat sa natur' e cristianos...
...mi sed' e mi la miro,
m'ammud' e m'imbelesco chi respiro...
13 minuti fa · Non mi piace più · 1
Lussorio Cambiganu Ì-ì-ì-ì-ì-
Cantu se brava tue
Ispantu a ti mirare
Tantu sos ojos brillan chei su coro
Cando ti sezis cue
Che dea de altare
Paret chi cantes in lizos de oro
Ite bella pariglia
Sonat che ischiglia
Cando ponimus a s’arte decoro
Sa sinfonia est bella
Cando d’ispiru s’azendet s’istella