domenica 4 marzo 2012

cara.. ses tue

















Cara.. ses tue

Cara  ses tue,   fiore singulare
ilfusta  su  manzanu de' lentore ,
mancu s’eddia coberit  colore
chi das a chie  ti cheret mirare.
De  meravitza tue  s’autore
in d’ unu mundu  chi t’ischit amare,
guid’ ereta pro poder  andare
a  logos  ‘ue  parat s’amore.

Cando tue mi lassas a sa sola
in mesu  ‘e  tempestas de deseltu,
pustis  aparis.. luego mi cossolas
su coro  fit  pro te, semper abbeltu.
Como chi  in sas aeras che 'olas
andas in lidos  e destinu inzeltu,
comente fato  tando  a cantare
si tue no mi das  ite pintare.?

Pro cantu   t’ apo in sa fantasia
iseto  de ti poder   tocare,
diligos  versos .. umile poesia
‘ue  podes  che istella  brillare.
Mi mancat sa tua cumpanzia,
in disizu de t’  idere ‘intrare,
ca menzus  isto tando, de abberu
tue presente, mi sento   lezeru.  

Nessun commento:

Posta un commento