trenu chena sosta..

Trenu chena sosta..

Podias esser unu continente,

minore forzis.. ma in lacans tuas,

unu Istadu ness’ indipendente

imbeze ses alu in francas suas,

de unu destinu  suldu e invadente

chin veridade  tue sempre ti cuas.

Ateras limbas  ti ses sutaposta

ebbai pares de atere una costa.

Podias esser  rejn’ e s’ambiente,

siat in mare, in montes  e natura,

as donadu sa linna a continente

s’impresa Rossi  che l’at lead’ a fura.

Poi su fogu l’ at res’ indetzente

pro interessos  e pro paga cura.

Paret  chi totu l’apan fat’ aposta

a ti trattare chin  sa  peus rosta.

Eppuru naran populu balente

a sos chi t’an  dae altu miradu,

de sa Barbagia  in armas  sa zente

a s’invasore s’est  ribelladu.

Como però nos  passat in sa mente

s’idea de unu mundu unifigadu,

ebbai  cussu trenu chena sosta

passat innanti  chena frimmare in posta.