Fiore de paghe.
Tio cherrer ponner fiores in manu
a donzi dignitariu de sa terra,
chissa ghi lis resesset su pianu
de aultire pro sempre sa gherra.
Su Deus siat :Ebreu o Cristianu,
de Maometto, in Palistina serrat
sas venas chi alimentan su progressu
ch’at dadu lughe a su ch’ est suzzessu.
Onzunu s’ Evanzeliu s’at iscritu
a bisu sou, su menzus paragone,
nd’ at fatu d’Isse re, unicu mitu
de sa chi nachi fit sa religione-
Abramu a fiz’ Isacu l’at gitu,
chena dimanda o peruna rejone,
innanti a Deus de totu e l’at donadu
pro sola fide a totu su criadu.
Cal’ est su prinzipiu, su motivu
chi ponet s’umanu cuntra se?
Dae cominzu finas a s’arrivu
sempre sa gherra ponet in su pè.
Su prossimu chi faghet s’atrivu
no lassat nudda pro niune o se,
totu s’at a falare a piore
si no abamus de paghe su fiore.
Nessun commento:
Posta un commento