su nie..

Su nie

su nie  at fatu cabu fin’ ocannu

a primu de frealzu  bisestile,

s’iset’ e criaduras pius mannu

de affungare inie s’alchile.

pro sos pastores est  sol’ affannu

ca restan recuidos  in cuile,

sunu  opiniones che sos  ventos

zertas  in malu , ateros  cuntentos.

Zertu mi moven sos bonos ammentos

cando alu  s’incras m’isettaiat,

no naro chi fin menzus cussos tempos

però  furriende in bonu  si pariat.

Giog’ e allegria  fin sos alimentos

de  onzi die chi lestra passaiat,

e su candore de custu mant’ e nie

aunit  onzi  tempus  como  a mie.

Tando currio… sempre  rie rie

a lorumos  sa  falada  faghio,

pariat bonu fin’ un’ uccon’ e nie

e che  ‘a   mann’ e chelu  assazaio.

Sempre mi paret de ch’ esser  inie

cando su tempus  a loriga prendio,

como  chi falat lenta sa fiocca

trapat  in pelcias d’edade sa rocca.