Piantos minores
Piantos sun de rios sedidos
in lagrimas chi no asciutan mai,
dolores in sas laras mai idos
de risos chi coberin sos guai.
Disizos e isperas sun peldidos
in trempas chena fundu diai
faghen ‘onz’ iset’ a chejina
che pianta brujad’ in raighina.
It’ est sa sort’ e cussa piseddina
chi fatu l’est s’iscarogna andada,
naschida ‘inta e nada mischina
dae piantu ‘e prima pesada.
Che a farfalla punta da’ ispina
no podet mai pesare in olada,
su chi l’at dadu in donu sa vida
est de restare inie ilfrezida.
Cust’ est de vida su veru dolore
cando no dat sa bi’ e iscampu,
a s’innozente tantu est minore
lassadu solu in mes’ e su campu.
Solu s’abbrazzu in alas d’amore
Isse li dat.. de lugh’ unu lampu.
Nessun commento:
Posta un commento