undighinas... chin Pintore..Paula Nieddu e ateros

Giuseppe Pintore

Ajo si cherides,
ca proamos una gara,
solamente fata de undighinas.
Penzo ca ischides,
ca est una cosa rara,
divescia de sa solitas manfrinas.
Invetzes de s'ottada,
custa improvisada.
mi paret de sas pius genuinas.
mancari ati peleu
ispero accollides s'inbitu meu.

• • 
    

    Paola Black ‎---
    
    
    Cando s'invitu
    est bellu e donosu
    no si podet zertu refiutare;
    chi custu situ
    est addattu, ermosu
    ses tue puru in su poetare.
    Si accudimos tottu,
    ponimos tand'in mottu
    undighi rodas pro menzus cantare...
    ...chi peleu no nd'ido
    una nde pesso chentu ti nd'affido...
    

    
    
  • 
    

    
    Paolo Cusinu
    
    Eo ndacco una e non piusu
    si su coro meu lu permittiti:
    so pessande a su tradimentu!
    
    ca s'ottada mi at illusu
    e su cherveddu mi repititi
    solu cussa m'est alimentu!
    
    no mi ponzas viscios
    ca custos sunu miscios
    
    inoche si chi camino lentu!
    itte peleare!
    iscriere eja ma peri cantare?
    
  • 
    Antonio Porcu <<
    
    
    Tando a proare
    ca lu narada Pintore
    e Paola Blach in cumpagnia
    m'ada a falare
    tantu de cussu suore
    chi apa ruere finas in maladia
    po bos cuntentare
    una de chelzo cantare
    ma bos fatto cussa sola ebbia
    sos amigos como fetedas
    legginde no bo nde riedas
    
  • 
    Lussorio Cambiganu
    
    Su versu chi Limbudu
    At post’ in undighina
    Est bennidu innoghe pro cantare
    Bos porro su saludu
    In custa bell’ edrina
    Chi cheret a isse onorare
    A risu s’at leadu
    Su miseru peccadu
    Chi s’omine no podet olvidare
    In su passadu e como
    ‘inari ‘e viscios de intr’ e domo.
    
  • 
    Giuseppe Pintore
    
     Una e non piusu
    su coro non permitidi
    ca so pensande a su tradimentu.
    s'ottada m'at'illusu
    e su chelveddu reppitidi
    su chi tenzo po como in alimentu
    ma no mi ponzas viscios
    ca custos sunu miscios
    chi mi faghen'andare a passu lentu.
    b'at ite peleare
    in s'iscriere comente in su cantare.
    
    
    
  • Giuseppe Pintore ‎*
    
    
    Como su comoni
    faghimos manu manu
    basta chi siat cun sanu detterminu
    Paola cun Antoni,
    Lussoriu Cambigianu
    chi addurat innoghe Paulu Cusinu
    nos ponimos in motu
    tantu ch'es su fiotu
    e s'undighina faghimos a puntinu
    custu pot'offerre
    pro l'imparare basta de lu cherre.
    
  • 
    Paola Black ‎---
    
    
    Fatt' acherada
    no potto cansiare
    c' atter'urzent' impignu mi reclama(t),
    chi a serada
    potto torra intrare
    bos fatto cumpanzia in cust' ama;
    cun Paul' e Peppinu,
    e cun Anton' e Rinu
    sa bella divertera già mi crama(t)...
    ...pero' pro com' e tantu
    bos salud' e abbrazzo tottucantus...
    
  • 
    Giuseppe Pintore ‎*
    
    
    chi enis a bon'ora
    mi faghes cumpagnia
    e nde resto meda cuntentu.
    deo puru so fora
    pro cantare in poesia
    como non poto pro chi be s'intentu
    peroe a riguardu
    torramos pius a tardu
    pro un'iscuta de divertimentu
    s'ora es pius giusta
    e pro como la serro cun custa.
    
  • 
    Lussorio Cambiganu
    
     sos chi azis de cantare
    sos donos e talentos
    Poetas e comente resistides?
    Apende ue basare
    Sos bostros argumentos
    Mannos, estesos cantu los cherides
    Circustanzias tantas
    Che nd’ at e maigantas
    Però si sezis bonos preferides
    Cantare in primu gradu
    Su ch’ est s’annu otantoto capitadu..
    
  • 
    Lussorio Cambiganu
    
    Cando Pintore cantat
    S’aberit custa Janna
    Intrat solu chie b’ischit istare
    Paul’ a tot’ ispantat
    Chin meravitza manna
    Faghet proa de bellu rimare
    Sa manna maestria
    impiat issa in sa poesia
    su chi nos faghet pustis iscultare
    est cantu at imparadu
    dae montes de su Marghine faladu
    
  • 
    Paola Black ‎---
    
    
    Tue, oh Rinu
    troppu mi cumprimenta(s)
    c'as unu cor' in mel' imboligadu;
    a porporinu,
    che fiore de menta,
    sos pudicos cavanos m'as pintadu! :D
    Sa zentilesa c' usa(s)
    incantada sa Musa,
    cun iss' a mie pur' as conchistadu...
    ... Ses un'amigu veru,
    rezzi tando s'abbrazzu prus sinzeru...
    
  • 
    Lussorio Cambiganu
    
     Paula ses torrada
    Porrendemi fiore
    Sempre gentile in narrer premurosa
    Che a bianca fada
    De candidu colore
    Ses tue in su giardinu cussa rosa
    Frisca e profumada
    Che abba de funtana
    Chin sos sedidos ses deliziosa
    Ses tue bianca nida
    Ses de sa tanca sa minda innida.
    
  • 
    Giuseppe Pintore
    
    ido su profundu
    ube sezis arrivadosos
    e custu bos faghet onore.
    su versu vagabundu
    es chi os'at seberados
    pro tesse ghirlandas de fiore.
    in su bellu giardinu
    bes Paula cun Rinu
    meritosos de su gradu mazore
    deo pro sorte mala
    cun custos mastros isto a un'ala.
    
  • 
    Lussorio Cambiganu
    
     De solit’ umilesa
    Ses virtuos’ attore
    Che su bonu pastore e padronu
    Chin totu faghes presa
    Poeta de valore
    No lassese niune in abbandonu
    De te b’st su bisonzu
    Pro fagher bon’ incunzu
    Bi cheret poesia ch’ as in donu
    Ca sol’ impare atie
    Essit alenu dae sa ‘ula ammie
    

    
    
    
  • Lussorio Cambiganu 
    

    
    Tue che ballerina
    Pones sos pè totue
    Bastat sa danza ‘e la cominzare
    Sian otto o sestina
    Semper torrat a cue
    Sa moda inie devet rientrare
    Siat ballu trincadu
    Oburu siat pasadu
    Cantende mundu devet allegrare
    Chiterra o sonete
    Totu olamus nois che coete

    
    
  • Giuseppe Pintore 
    

    
    Como l'azis cumpresa,
    sa metrica perfeta,
    esserat de Limbudu o de Mereu.
    Paula paret si pesa,
    e balla che saeta,
    a ballu sardu a su cantu meu.
    Deo cun su tenore,
    mancari in do minore,
    cun Lussoriu mi peso a buleu.
    proite custu ballu
    lu es pretzisu e non faghet fallu.

    
    
  • Lussorio Cambiganu 
    

    
    Peppe tando cominza
    A pesare su ballu
    Mancari s’arpa grega lea in manu
    Sas cordas che sa pinza
    Pro no fagher isballu
    Chin poddighes tue lea pianu
    Impare chin sa mia
    Etamus melodia
    Chi coberit inie e in Campidanu
    Ma ite bella cosa
    Ogare s’undighina dae sa losa.

    
    
  • Giuseppe Pintore 
    

    ‎*
    Ma non at'a fuere,
    custu sonu brillante,
    a donn'ala lu deven'intendere.
    Fit garriga e piuere,
    e como che diamante,
    s'amiru chi li devimos rendere.
    Lu tenia in disizu,
    de la torrare a pizu,
    ca est'una parte de difendere.
    Su versu resta biu
    chi no si lassat ruere in obliu.

    
    
  • Lussorio Cambiganu 
    

    
    Comente pedrischina
    Chi falat dae su monte
    Paren sos versos como lorumare
    Pauledda sa femina
    Est de su riu ponte
    ‘ue totu cherimus traessare
    Ma pro leare a ‘issa
    Cheret fata promissa
    Chi s’ultimu restet a la leare
    In bratzos a la tenner
    Chena su coro issa s’ilfunder

    
    
  • Giuseppe Pintore 
    

    ‎*
    
    
    Chi trazat unu ponte,
    pro traessare su riu,
    lu colamos mancari aundadu.
    Si pode faghe fronte,
    cun alenu e cun briu,
    chi Paula su ponte a trazadu.
    Istande siguru
    lu jampat issa puru,
    d'esses ladina proas a dadu.
    Ca in custu cumbinu
    sa poesia li essit de su sinu.

    
    
  • Lussorio Cambiganu 
    

    Est una cosa rara
    Chi brillat in sa mente
    Su chi faghet su mundu girare
    Est de sa vida cara
    In coro de sa zente
    Si podet sol’ ini’ agatare
    Siat gos’ o dolore
    Odiu impar’ amore
    Chin cussu pinzu si podet piscare
    Cantende in cumpanzia
    Nd’ essit Issa .. sa forza ‘e poesia

    
    

    
    
  • Paola Black 
    

    ‎---
    Tant'a sos antigo(s)
    custa fit cara e bella,
    chi bos sig' e curr'a s' Elicona;
    ma cantu pratìgo
    bos canto una novella
    chi curro che boe in Pamplona;
    rend'a sos antigos bantos
    si pratigo custos cantos,
    chi prestu mi nde fatto padrona...
    ...Rin' e Peppe l'ant promissu
    chi s'azzud' issoro mi dant fissu...

    
    
  • Lussorio Cambiganu 
    

    
    Pro tene sa promissa
    Resta t de imperu
    Però ischirria chie devet andare
    Chin tegus a sa missa
    A bider si est beru
    Chi peideru faghes ammarronare
    Chei a padre Luca
    Da’ inie si tuca
    E promissa li faghes isconzare
    Tue ses ben’ acuta
    Pro dare a mie o Pintore un’ alluta.

    
    
  • Paola Black 
    

    ‎---
    Mi naras tue, Rinu?
    Bidimos itte pessat
    Peppe, si tenet cosa incunzada;
    si at carchi pidinu,
    ch'intro no si lu lessat
    oppuru no lu contet in ottada;
    pero' s'a s'undighina
    l'at postu raighina
    no la podet aer irbandonada...
    ...Anzis de Ippocrene
    carrat abba e nos infriscat bene... ;)
    
    
    
    

    • Giuseppe Pintore 
      

      
      Ischis a ora fissa,
      oramai es notoriu,
      no m'agatas innoghe mai mudu.
      In cantu a promisa,
      so deo cun Lussoriu,
      prontu a ti dare donni azudu.
      Chi la tenes a pratiga,
      sa poesia bolatiga,
      ti atid'allegria cun saludu.
      De su coro naschede
      pro chi a nastros de oro ti faschede.
      
      Rinu so puntuale,
      cando andat a missa,
      si mi chere bi l'acumpanzo deo.
      L'iseto in su portale,
      cando chi essit issa,
      cuntenta nde siat ispero e creo.
      isco non podes tue
      no ba dubbiu incue,
      ista seguru cuss'impignu mi leo.
      bistu ca tue non podes
      impare cantams a deus sa lodes.
    • Lussorio Cambiganu 
      

      
      Tue as fatu totu
      siat peta che concale
      at esser issa a ischirriare
      su cas’ e su regottu
      diai essit male
      bisonzat bene de seberare
      a Paula s’istima
      de sa menzus rima
      pro poder a iss’ acumpanzare
      siat pro sa missa
      o ateru disizu ch’ at issa

      
      
    • Paola Black 
      

      ‎---
      Peppe, sinnadi tando
      sa front'in abba santa,
      e dattu chi mi faghes cumpanzia
      a cresia bi ando
      cun tegus sol' accanta,
      cun Rinu b'app'andar'un'atter' 'ia.
      Su post'est prennottadu
      dae s'annu passadu
      chi guas'irmentigada mi nde fia...
      ...No bistes acheradu
      in sa zanna, intra, ch'est riservadu...

      
      
    • Giuseppe Pintore 
      

      
      chi ti la leas gai,
      su seberu m'agradat,
      solu finas a unu tzertu puntu.
      Deo a u'es babbai,
      ando po chi s'ifadat,
      mancari no so cun ozu santu untu.
      in forma geniale
      li leo su missale.
      e cando a so santos m'at'agiuntu.
      mi cret bonu e coitu
      cominzare poto donni joghitu.

      
      
    • Lussorio Cambiganu 
      

      
      Fata l’ as s’iscelta
      No est cos’ e malu
      A itie però no pot’ isetare
      leadi sa cobelta
      Eo no bos fat ‘e palu
      Eppoi no mi pot’ imbenujare
      A bi pessare ‘ene
      Lea di su chi tenes
      Ca tempus eo no ap’e passare
      Prefelz’ e istare solu
      Chin animu biancu che letolu

      
      
    • Paola Black 
      

      ‎---
      Mi paret chi babbai
      già portat longa s'arba
      a tales ch'a tie agradat pilu,
      ca si mi naras gai
      a mie pur' aggarba(t)
      pro chi no siat missal' 'in pabilu.
      Nota puru s'istola,
      sena fagher iscola
      chi ozzu santu tenes, attibìlu...
      ...Podet tenner bisonzu
      de sa benedission'a s'inconzu...

      
      
    • Giuseppe Pintore 
      

      ‎*
      
      
      Ma tue narabilu,
      ca dispostu no seo,
      pro nudda de mi asare a issu.
      Chilco ateru pilu,
      cando b'es mi lu leo,
      che a babbai no so prolissu.
      duncas s'alva cana
      si l'aset chi nd'a gana
      ca eni santu no ruet in s'abissu.
      deo ca santu no so
      pro s'alva e babbai ti naro no.

      
      
    • 
      Paola Black 
      

      ‎----
      Tand'asali sos pese,
      dagh'in caresim' este
      chi pesso già los at a tenner nettos;
      si peccadore sese
      perdes castig' e peste
      cun penitenz' e modos prus perfettos;
      "le' s'assoluzione"-
      chi l'unghes a sabone,
      narat -"de grascia nd' 'ies sos effettos"...
      ...ch'est menzus su pe lintu
      chi no l'asar' a sutta de su chintu...!

      
      
    • 
      Giuseppe Pintore 
      

      
      Chi tue bi crese,
      deo no so credente,
      ca cussu mi paret azardadu.
      A li asare sos pese,
      at'a narre sa zente,
      ca fortzis mi so mesu amachiadu.
      Cando andas a cue
      tando faghelu tue,
      chi no lu fato gia so perdonadu.
      chi suta est'allutu
      bi lu mando su meu sostitutu.

      
      
    • 
      Lussorio Cambiganu 
      

      
      Arratza ‘e cosa bella
      Custa missa serena
      Mi paret de Gomorra sa cantada
      Ti pessaio istella
      Lughente e piena
      Invetze pares sa Circ’ agatada
      Peppe tue mischinu
      L’asa fatu s’inchinu
      Issa olada est già a s’aparada
      In custu trambustu
      No leas nudda e cambias su gustu
      
      
      Paola Black 
      

      ‎---
      Como lasso a parte
      monza e mossignore
      chi m'avvio custa gar'a serrare;
      dibattida cun arte
      già no l'amos, Pintore,
      ch'est bellu cun bois a poetare;
      gai puru cun Rinu
      pro tottu su camminu
      amos brulladu tantu pro festare...
      ...Com'a t'asare curro,
      ma posca nos frobimoso sos murro(s)...!!! ;D
      
      
      Giuseppe Pintore 
      

      
      Sa missa cantada,
      no es ruta in difetu,
      comente naras tue Cambigianu.
      Proite cue bada,
      unu tzeltu segretu,
      no l'isvelo c'apo sentidu sanu.
      Amus dadu isfogu,
      bufonende su jogu,
      no es bistadu mancu metzanu.
      fit''un'ispetzi'e faula
      un'abbratzu imbio a tie e Paula.