domenica 16 ottobre 2011

lampu 'e lughe..a bias














Lampu ‘e lughe.... a bias.

..e pustis t’apo in coa a leare
pro ti gigher a intro e coro meu,
‘ue as agatare su recreu
chi no as mai potidu aferrare.
Tue chi tantu as apid’ anneu
in vida ‘e tribulia, chena pasare,
a narrer as chi si podet 'istare
a manc’ e totu, francu 'e manu 'e Deus.
Unu mundu galanu delisciosu
a sa brazeta chi t' at a leare,
pro su chi as ischidu dassare
In fagher de rinunzias donosu.
Anghelos chentu t’an a laudare
cando su coro tou a reposu
si ponet in manos de su Gosu
Eternu, pro bi podere intrare.
Inie solu, as tue a pasare
chin animas allegras cristallinas,
chi de amore, bi nd’ at tantu ,finas
de nde poder sa terra semenare.
Est tando chi nde coglis sas ispinas
chi punghen in su malu campare,
luego a totu as a insinzare
chi vida est lampu ‘e lughe... a bias.

1 commento:

  1. Certe volte…un lampo di luce

    … e poi ti prenderò sulle braccia
    Per portarti dentro il mio cuore,
    dove troverai il sollievo
    che non hai mai potuto avere.
    Tu che hai avuto molte sofferenze
    In vita di travagli e senza riposo,
    dirai che si può vivere
    senza niente, fuorchè di Dio..

    un mondo giocondo e generoso
    a braccetto ti prenderà,
    per quello che hai saputo lasciare
    nel tuo fare di rinunce, generoso.
    Cento angeli ti loderanno
    Quando il tuo cuore si riposerà
    Nelle mani della Gioia
    Eterna, per poterci entrare.

    Solo lì, ti riposerai
    Con le anime allegre e trasparenti,
    che di amore, c’è né talmente tanto
    da poter la terra seminare.
    È allora che raccoglierai le spine
    Che pungono nel cattivo vivere,
    a tutti insegnerai
    che la vita e un lampo di luce.. alle volte..

    RispondiElimina