Aidos.. ..de mente ( sa malliscia)
Aidos b’at de podere giumpare
in muros post’ a lacan’ e sentidu,
cando si podet poi ischirriare
tra su chi est cuadu e chi s’est bidu.
Fatu su passu dezisu pro andare
torrat in segus ca si nd’ est pentidu,
ebbai restat in lacanas de vida
chena poder narrer “eo l’apo ida”
Si trattat de sa solita cantone,
tra chie bivet innanti caminende
e chie ponet fattu che anzone
chena lu idere mai creschende.
Cando arrivit sa dezisione
de sighire su chi est pessende,
narat :”sa memoria perdida!!
de cosa mai nada e mai ida”.
Isse pessat sol’ e giudicare
su ch’essit dae sa conc’ anzena,
no at farina ‘e poder impastare
ma roet pane a manu piena.
No faghet nudda pro si meritare
s’aria chi respirat apena,
de abba bufat solu unu ticu
ma in maliscia est meda ricu.
Nessun commento:
Posta un commento