venerdì 28 ottobre 2011

su patu..














Patada...su patu

Sarda sa limba e sa faeddada:
indulchis d’ armonia s’orizonte,
tue sa pius bella in s’ incuntrada
posta ses in sa sedda de su monte.
Pares sa reginella tue pasada
subr’ e su passamanu de su ponte,
dae totu mirada e ‘antada
ses tue sa idda mia ..oh !!!Patada.




Parizas biddas a tie t’an frommada
unendesi  in cucuru de monte,
da’  Iduvè,  Lerron  s’incaminada
leadu at sa zente   custu fronte.
Poi  dae ‘Unne  an fatu sa pigada
impare a Bidducara an fatu ponte,
solu   ‘Antina s’ est arrennegada
ebai  sola inie est restada.


1 commento:

  1. Giuseppe Pintore

    Cando istipuladu ana su patu
    solu Bantine es chi nde fi fora,
    sa cale penzo lu siat ancora
    ca intrada no fit'in su cuntratu,
    Unido sos ateros a patada an fatu
    de patu patada naschit ass'ora.
    Bidda de ingegnu e alta fantasia
    terra de incantu mastra e poesia.

    Lussorio Cambiganu

    Grascias Pintore dae parte ‘e idda mia
    pro s’antu chi finas tue li donas,
    ca dignu portas de laru sas coronas
    e t’ estis in s’arte ‘e sa poesia.
    Famada est Patada pro sas bonas
    fainas chi at postu sempr’ imbia,
    pro s’abba chi lezera e rigogliosa
    dae sa funtana si mustrat donosa.

    Ma su chi pius la rendet singulare
    est sa funtana de vena profunda,
    ‘ue sos versos inie med’ abunda-n
    isetan solu mentes de ilfriscare.
    Chena bisonzu ‘ impitare sa sunda
    sas rocas resessin a ilbramare ,
    a fatu nd’essin a giaru in su trainu
    chi abat mentes, coros e su sinu.

    RispondiElimina