martedì 30 aprile 2013

No siat de ilfadu














No siat de ilfadu

No siat de ilfadu
Su chi ponz’ in su  muru  ‘e domo mia
Lu ponzo  in poesia
Pro  chie nde coglit  gosu ilmentigadu

A bias a su criadu
Lu  ‘esto  in  alas de sa fantasia
A issas lis pedia
De  mi  mustrare su mundu cuadu

Apenas abbojadu
Inie  totu  cantu mi peldia
Sos ballos pesaia
Pessende d’ esser  de musas  chingiadu

Su tempus est passadu
Lestru comente  cando in pizinnia
Totu lughente idia
Currende fatu  ‘e  onzi disizadu

A totu apo pessadu
De  dare a sa bellesa   lughe ‘ia
Onzi bene cheria
Pro chie  solu dolores at passadu

Sa natura m’at dadu
Nuscos, colores e sa galania
Paret una maja
D’ esser in terra sarda  eo  nadu

Pustis nde so torradu
Lassende  cussu mundu  ‘e armonia
Torrende a mente mia
La trunco innoghe  pro no  dare ilfadu



Nessun commento:

Posta un commento