istral' e rosa

istral' e rosa

Pro   nde poder  falare

Dae  su  vundu  de so  iscoziladu

Sa nae  pro m’ imbarare

S’ est  segada  a su pè posadu

Lu podi’ avitare

Si prima iss’  aio isperiadu

Guasi est sempre gai

Chie leat presse coglit  guai

B’ est s’ ateru chi narat

No leat pische chie  drommit a taldu

E pustis  l’ incarat

Chie  andat pianu  ponet  a  laldu

Ateru gai la serrat

Poeta e  pensadore est su saldu

Comente chi la gires

S’ arrejonu ‘ue  cheres lu gighes

Pro lu fagher cuntentu

S’ omine  li naras ch’est bravu e bellu

Peroe  ist’ atentu

Chi pustis passas de isse zimbellu

Ti bolat che su ‘entu

 pessat chi sias masedu che  ‘itellu

tando sa menzus cosa

est cuss’ e li mustrare  istral’ e rosa