ses poesia..

Ses poesia…

Ses tue .. di’ e note

Chi bivo  cantu  de forzas  nde  pote

Ses tue .. su cantu

Ch’ intendo .. e coberit totu cantu

Ses tue .. ch’ intendo

Chi   mi leat  sa mente e a coro prendo

Ses tue.. sa mente

Umana    ses ..  in  chelu risplendente

Ses tue.. s’ umana

Bellesa ..  onzi die  fitiana

Ses tue.. bellesa

Donu  celeste .. e de  naturalesa

Ses tue.. celeste

Colore  de su chelu .. faghes beste

Ses tue .. su chelu

Bi ‘olas chin sas alas de s’ anghelu

Ses tue.. sas alas

De fantasia… e poesia m’ imparas..

Ses  poesia..

Cussa chi lughet ojos.. vida mia.