Suelzu
Ses sa pianta
chi ponet raighina
In sa Sardigna.. e ses
arbur’ e vida
De bentos nde coglis
calur’ e frina
Natura in forte colza
t’at bestida
Lande e oltiju tue faghes
istrina
De sida e linna ‘ona ses cumprida
De te si faghen pinzos pro s’ istelzu
Banchitas, e tupones.. ses Suelzu..!!
Giuseppe Pintore
RispondiEliminaSuelzu...
Superbu zigante ses a isfida,
de su tempus passadu testimonzu.
Amparu prodizosu motu e vida,
in oras de gioias e bisonzu.
Cantas amas sunu a tie recuida,
in ijerru eranu istiu e atonzu.
E cantos puzones sa frochida
an fatu de su niu lende filonzu.
Oltiju as dadu sinnu e richesa,
lande cun linna in donni era,
ses maestosu de rara bellesa.
Comente a chelu t'altzas fiera,
pianta d'elegantzia e nobilesa,
tra chelu e terra pares messaggera.
peppe.