venerdì 5 aprile 2013

mai dan .. sa risposta chi t’ isetas ..















mai dan .. sa risposta chi t’ isetas .. 

Totu pessana d’ esser in rejone:
chie narat ch' est  causa giusta,
de domo sua est sa religione
semper at  nadu “politig’ est custa”.
Mantessi si ripitit su sermone
siat a chena o cando  si nd ‘ustat,
b’ est chie comunista  est nadu
e chie democristianu est ‘istadu.

Gai creschidu so in bidda mia
isperiende dae for’ in fora,
totu faeddan de democrazia
mandendesi onzunu in malora.
D’ esser in sa paltida no paria
e che a tando no lu so ancora,
dudas de’ sempre apo cuntivizadu
su votu però mai, apo mancadu.

Zente faghet gherras pro a issa
falend’ a frimma pro cussa idea,
chie nd’ at fat’ e vida sa promissa
‘oltende sos istravios in pelea.
In conca arrocada e sempre fissa
cumbintu chi siat de giustiscia dea,
niune ch’ ammitet sa veridade:
“politica nos dat s’ identidade”.

Gai est .!! onzunu tirat dritu
comente si faghet chin su pallone,
no b’at perun’ arrejon’ o rejone
“sol’ eo de bincher apo diritu”

Filosofos, artistas e poetas
mai dan .. sa risposta chi t’ isetas ..

Nessun commento:

Posta un commento