Sas prennas de Vitzi
A su passizu dades
Totu su bellu chi bois creades
Bellu fior’ e Prenda
Sezis de Vitzi
onore e sienda
Vitzi bos dat impoltu
D’aer ojos e coro a
tot’ isoltu
Ojos gai brillantes
Chi frimman su caminu
a sos passantes
Frimman s’ atenzione
A sos colores e s’
atrazione
Colores sun de frutu
De late ch’ azis prima bois sutu
Su late bene friscu
Chi donat Bitti e
ponet in aiscu
Donat fam’ et gloria
Dende a donz’ ispera
sa vittoria
Donzi ‘ostru passare
Faghet furister’ innamorare
Furister’ in Casteddu
A sant’ Efisiu brillas
che isteddu
Efisiu chi cumprides
Tota sa zente in
coro la carpides
De zente meda b’ ada
Ma tot’ a bois
est atenzionada
Bois de s’ eleganzia
Sezis su sinnu ‘onu e sa custanzia
Su sinnu ‘e Mialinu
Est su connotu ..e de
bellesa sinu.
Nessun commento:
Posta un commento