a su poeta francu e diretu (Manuel Deiana, Pintore, Black e Cambiganu)

Manuel Deiana

non sò jambadu,su chi soe jiai fio
pro chi mi neran jamba o resta gai
ca ancora su chi pesso bo-l'iscrio
e no,non timo su passare guai

cand'est de rier,sò tranquillu rio
chena esser scunveniente mai
s'appo dolore aboghino aih
ma valuto sa zente a su chi bio

sò minore ma non sò fasullu
ca mantenzo una coerentzia sana
pro non m intender in sa vida nullu

ispero a bois puru bos resessada
ca dimandende de Manuel'Eggiana
bos narana chi narat su chi pessada

Inizio modulo

Lussorio Cambiganu 

^^^^^^^^
Comente naras tue Deiana
Su narrer menzus est su diretu
Si faulas naras ..poeta no b’ ada
A poesia li faghes dispetu
No timas de rispostas chi ti dana
E lea sa vida semper de petu
De falzidade nd' est pienu su mundu
coment' omine vile est moribundu.

D’ omine veru apo faeddadu
No de chie si narat chelvijudu
Paris a sa paraula su cabu

Chen’ esser ne superbu o azudu
Bi cheret in sa vida s’ umilesa
Impare a su coragiu e sa franchesa.

Giuseppe Pintore

La pessas zusta comente iscries,
tra bonu e malu totu atraessasas.
Proite tue naras su chi pessas,
tue ses tue no jambas ne t'afies;
a jampare arcos de nie si ba nies,
cun rios aundados e t'interessas,
de s'interessu,osselvas e bies,
sa fortzas tuas pro chi bi resessas.

Sa vida nosta es gai Manuele,
donnunu la bivet a contu sou,
male no faghe su cambiamentu.

Primu ista a tie matessi fidele,
segundu pro su torracontu tou,
sias zustu in donni avenimentu.

 

Manuel Deiana

 

oh caru pepe retzit sa missiva
comente paulu cun sos colossesos
ca sa risposta tua m est esaustiva
pro sos caminos dae nois intrapresos

tantos los bido,a faulas arresos
in d unu mundu'e ingannu a sa deriva
dae una vida 'e veridade priva
comente faghen a nd essire illesos?

ca donzi faula est una ferida
sa fantasia est pro ater usu
jiai l ischis Pepe e jiai mi cumprendes

a boltas tropu mannas nd intendes
bi restas affligidu e delusu
isettende 'e l intender finida

Paola Black

 

Cantu nd'at chi sintzeros si professan
in ment'an imbez'ateros disignos
m'a su cuspettu tou no sun dignos
ca bentu semenan, tempesta messan

pro cantas faulas nerzan e tessan
manc' aizu de coro in sos impignos
bi ponen, ma lassan malos sos signos
ca faghen mal' e no si nde cunfessan...

...Tue Lelle ca già lu ses sintzeru
chin s'anima nobìl'e verdadera
sigh'in dogna cosa a ponner seru

ca pàssat lestra custa primavera
ma chi la passas a coro lièru
est c' as sana sa cussenscia intera...

Fine modulo