pascescia 'e natura

Pascescia  ‘e natura

Ite pascescia c’ as .. tue natura

sempre  ses pronta a ti rennovare,

sol’ un’ iscuta  su tristu ti durat

e luego torras  sa vist' a   allegrare.

Sa vida  siat serena  o puru dura

ischis sempre comente la leare,

e fizos tuos  chi ti faghen dispetu

restan pro te  su dolu e su diletu..

Mama  ses tue  in bona e mala sorte

de chie nd' ischit coglire sa bellesa,

ma finas  de chie  nde cheret sa morte

e a tratoria ti rendet  s' ofesa.

Pro amor’ e Deus  a tie fato sa corte

 ti porro gratzias  ca no ses  arresa,

 manzanu  cando peso  dae  letu

su  primu abboju a tegus est diretu..

diliga ses..eterna criadura
cantu ses  tue de bellesa  vena,
a bias pares a chirru 'e sa  morte

pustis ti pesas  riza  pius forte.

In die tempestosa o serena
sos passos pones tue sempre segura..!!