modellu a Pattada .. (Giuseppe Pintore) di Ortueri

Modellu a Pattada. (Peppe Pintore)

A coro in manu t’a cantada
anonim’unu poeta cun brama.
Naschidu che soe in Pattada
bidda ‘e rispettu onore e fama.
Fiera comente ses arrocada,
istada mi ses tue fiza e mama.
A prima ia su tou panorama
es pro mene pitorescu e nou
virtuosa fiza de s’Ippocrene
alone ti faghe de sarda rima
su panorama tou sa ia prima
es pro mene pitorescu e nou
a prima ia su panorama tou
pitorescu e nou es pro mene
virtuosa fiza de s’Ippocrene
de sarda rima ti faghet alone.
Fundada in barantotto rione
d’Amultedu a su Sotziu annoto
Fundada in riones barantotto
annoto de su Sotziu a Amultedu.
Cando e su patu ana fatu meledu
solu Bantine istada es fora tando,
de su patu meledu an fatu cando,
tando bantine solu fora e bistada
gai s’origine as tentu Pattada
prella lughente de su logudoro.

Montacutu e Lerno l’as in coro
incastonada pesas antigu mutu
sa poesia naturale as’a diligu
aurora e dilettu de versos eterno.
in coro l’as montacutu e lerno
incastonada pesas antigu mutu
lerno l’as’in coro e montacutu
incastonada mutu pesas antigu
sa poesia naturale as’a diligu
d’eterno versos diletu e aurora.
De Pesuciu e padre Luca ancora
so versos bolana de uca in buca
ancora de Pesuciu e padre Luca
de uca in buca so versos bolana 
Limbudu e Palita mai che colana
fizos tuos famados d’alta mente.

A coro in manu t’a cantada.
..............................................
de su logudoro prella lughente.

Richesa archeologica atraente
funtana sagra e tumbas distesa
megalitico muros bias romanas
campagnas curadas ecologica.
atraente richesa archeologica 
funtana sagra e tumbas distesa
archeologica atraentes richesa
distesas tumbas e sagra funtana
megalitico muros bias romana
ecologicas curadas campagnas.
In su lagu Lerno t’ispijas e bagnas
unu logu d’incantu e de divagu
t’ispijas e bagnas in su Lerno lagu
divagu e de incantu es log’unu
sa flora e sa fauna chi bi sunu
ti faghet de sardigna sa modella.

A coro in manu t’a cantada.
...............................................
De su logudoro lughente prella.

Addura imponente sempre bella
famada in donni ambiente
s’arte tua ch’es pius rinomada
tent’a lumene maestria sigura.
imponente sempre bella addura
famada in donni ambiente
addura sempre bella e imponente
in donni ambiente famada
s’arte tua sa pius rinomada
maestria sigura tent’a lumene
su timbru s’usu e costumene
cresche sa fama piusu e piusu
su costumene su timbru e s’usu
piusu e piusu fama creschede
donni die Pattada chi avreschede
t’elevat a sa chima mundiale.

Est’ora chi nde feta sa finale
perdona cust’umile poeta
e su modellu fatu a sa bona
isperantzosu in’amentu ti reste.
Chi nde feta sa finale ora este
perdona cust’umile poeta
est’ora sa finale chi nde feta
poeta cust’umile perdona
e su modellu fatu a sa bona
isperantzosu ti restet in’amentu.
De essere innoghe so cuntentu
elogiou meritadu a ti tessere
so cuntentu innoghe de essere
a ti tessere meritadu elogiu

A Carmela Arghitu e Taresa Sotgiu
Cun Anghela Falchi fiorini su situ
a Taresa Sotgiu e Carmela Arghitu
su situ cun Anghela Falchi fiorini
Bruno Sini e tiu Monzitta lu colorini
cun rimas e passos d’istoria iscritta
lu colorini Bruno Sini e tiu Monzitta
cun iscritta rimas e passos d’istoria
Larentu Fara torrat a sa memoria
su chi fortzis aizis ismentigadu
de poesia inu e nuraghes Arcadu
contad’in forma bella e sapiente
Nanni Delogu e totu sos presente
risaltu dan’a su mundu poesianu.
Permitide salude su decanu
ziganteu amigu vagabundu
cun s’istima chi parti de su coro,
amiru est’eroe in su circundu.
Anghelu chi olas cun alas de oro
difundes coraggiu totu in tundu
ca possedis unu mannu tesoro
l’asa de s’animu in su profundu
de nobilesa intelletu e de decoro
ses anghelu de lumene e de fadu
esempiu bivente messaggeru
su titulu cun onore as meritadu
a tie s’abbratzu pius sintzeru
in su patire tou ti ses mustradu
che roca firmu ses forte e fieru.
E comente poto faghe misteru
de s’amigu Rino Cambiganu
chi donni die sero e manzanu
mi diletta cun so versos suos
poeta de tratu gentile e umanu.
M’avvio abberu a sos cungruos
festas goi nde fatedas fitianu
chi torre donni fizu c’as luntanu
de nou Pattada in bratzos tuos.
cun salude e aumentu sos produos,
aministrazione e popolu intreu,
os’astringo sa manu in’amba manos
agradesside su saludu meu,
a chent’anno menzus totu sanos,
e restade in paghe santa cun deu.

peppe.