..58.. e sempre in grascia 'e Deus..
finas occanno at esser de ammentu,
totu s' impiciu chi bi ses ponzende
alet pro te, sos tuos et ateros chentu.
Bides sos annos chi che sun passende
comente in s' atunzu cussu 'entu
chi movet naes iscutinende fozas
impare a sos dolore e sas bozas.
Chissà comente tempus benidore
nos at a ponner innalt' e sa solte,
ateras dies de versos e colores
pienas finas cando giamat molte.
Forzis su mundu s' abberit a s'amore
e totu nos faghet sentire foltes,
donosu siat Segnore pro a tie
dendedi folza e meda 'e custas dies.
Nessun commento:
Posta un commento