Sos binos de Sardigna
Cal’ est su chi pius s’addeghet?
in festas o in pastos fetianos,
o cussu chena peruna
neghe
chi acumpanzat siat
cotos che sanos?
Ateros ch’ assimizan
a sa feghe
finas limbicu lis cancarat manos,
bo los elenco totu
sut’ innoghe
chi sian bonos est s’ unica boghe.
Dae sos granitos de tota sa caddura,
dae Logudoro finas a Terranoa
su vermentinu inie
madurat
siat pasadu o allegru
a moda noa.
Li naran giogantinu a
s’agriura
chi l’essit in su
tastare de coa,
totue in sa Sardigna at postu vida
cussu biancu chi dat a
caddarida.
Su dulche muscadellu de s’Anglona
de Sennor’ e de Sorso
sunu ‘antu,
in s’ Alighera e in tota
sa zona
su binu b’est inie
totu cantu.
Torbato siccu faghet bucca ‘ona
totu sun bonos tot’
est un’ incantu,
sas binzas
paren fatas a piumbu
sos oldines de ide..faghen rumbu.
In Pianalza madurat
fiagosa
cussa buccante ua
malvasia,
issa si narat sa
menzus isposa
impare chin dulches cale si siat.
Pustis vernaccia est sorr’ imbidiosa
chi narat: “cussa virtud’ est mia”,
sun paris,
ambas duas bellas rosas
de no paragonare ateras cosas.
Rujos, nieddos, rosat’
e rubbicantes
pienan sos
addijos de Nugoro,
d’ Uliana li naran su
nepente
pro totu est cannonau su tesoro.
Siat in Barbagia che in s’ oriente
D’ Ozastra sa miniera
‘e s’oro,
connotu in su mundu
de diai
a faca b’ est su Mandrolisai.
A mesania de su Campidanu
de Mogoro si bidet sa chentina,
inie faghen s’ inu
semidanu
ca paret cussa sa bona faina.
In Sulcis totu est
Carignanu
Sant’ Antiogu e Santadi rejna,
ballan impare sempre pius pianu
su primu antigu, s’ateru
pius a manu.
Bi restan de
Casteddu sos presentes
girò e nasco sos
pius prejados,
ateros sun sos chi
bufan sa zente
cussos chi sun in donzi pranzu ‘etados.
Sa monica de ruju
isplendente
Nuragus paren paza e
indeorados,
su dubbiu chi mi
restat alu innoghe:
“Cal’ est su menzus
ch' ilgiarit sa 'oghe?”
Nessun commento:
Posta un commento